Pergunta kona-ba Bíblia / Diabu no anju aat sira / Anju aat sira iha duni ka lae?

Bíblia nia resposta

Sin. Anju aat mak “anju sira neʼebé halo sala”, kriatura espíritu neʼebé kontra hasoru Maromak. (2 Pedro 2:4) Anju primeiru neʼebé halo nia an sai anju aat mak Diabu Satanás, neʼebé Bíblia bolu “anju aat sira-nia ukun-naʼin”.—Mateus 12:24, 26.

Anju sira kontra Maromak iha Noé nia tempu

Bíblia esplika katak anju balu kontra Maromak antes Rai-Nabeen iha Noé nia tempu: “Anju sira hahú haree katak ema nia oan-feto sira bonita. Tan neʼe, sira komesa hili feto hotu neʼebé sira hakarak hodi sai sira-nia feen.” (Génesis 6:2) Anju aat sira-neʼe “husik tiha sira-nia hela-fatin neʼebé loos” iha lalehan no troka sira-nia isin hodi sai fali ema atu bele halo relasaun seksuál ho feto sira.—Judas 6.

Bainhira Rai-Nabeen mosu, anju aat sira la uza tan isin hanesan ema no fila fali ba lalehan. Maibé, Maromak hasai sira husi ninia família. Maromak fó kastigu ba sira no sira labele tan troka sira-nia isin hodi sai fali ema.—Éfeso 6:11, 12.