Tanbasá ema mate?

Bíblia nia resposta

Normál atu husu tanbasá ema mate, liuliu se ema neʼebé ita hadomi mak mate. Bíblia hatete: “Sala mak hanesan venenu neʼebé halo mate.”​—1 Korinto 15:56.

Tanbasá ema hotu halo sala no mate?

Ema primeiru, Adão no Eva, mate tanba sira halo sala kontra Maromak. (Génesis 3:17-19) Maromak mak “hun ba moris”, maibé Adão no Eva kontra Maromak no haketak an husi nia, tan neʼe sira mate.​—Salmo 36:9; Génesis 2:17.

Adão pasa tutan sala ba ninia oan no bei-oan hotu. Bíblia hatete: “Sala tama iha mundu liuhusi ema ida, no mate tanba sala. Nuneʼe ema hotu mate tanba ema hotu halo ona sala.” (Roma 5:12) Ema hotu mate tanba sira hotu halo sala.​—Roma 3:23.

Oinsá mak Maromak sei halakon mate?

Maromak promete katak iha futuru “nia sei halakon mate ba nafatin”. (Isaias 25:8) Atu halakon mate, nia tenke halakon sala. Maromak sei halo ida-neʼe liuhusi Jesus Kristu neʼebé “hamoos mundu nia sala”.​—João 1:29; 1 João 1:7.