Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • ijwhf lisaun 10
  • Oinsá atu uza teknolojia iha dalan neʼebé diʼak?

La iha video neʼebé bele loke.

Deskulpa, la bele loke vídeo.

  • Oinsá atu uza teknolojia iha dalan neʼebé diʼak?
  • Ajuda ba família
  • Subtítulu
  • Informasaun seluk neʼebé hanesan
  • Buat neʼebé Ita presiza hatene
  • Buat neʼebé Ita bele halo
  • Oinsá mak teknolojia bele afeta Ita-nia moris kaben?
    Matan-moris bá!—2021
  • Dalan atu iha hanoin neʼebé loos kona-ba serbisu
    Ajuda ba família
  • Iha revista neʼe
    Matan-moris bá!—2021
  • “Respeita kaben-naʼin sira-nia moris hamutuk”
    “Hela Nafatin iha Maromak nia Domin”
Haree barak liután
Ajuda ba família
ijwhf lisaun 10
Feen no laʼen ida-idak uza telemovel bainhira sira han hamutuk.

AJUDA BA FAMÍLIA | MORIS KABEN NIAN

Oinsá atu uza teknolojia iha dalan neʼebé diʼak?

Dalan neʼebé Ita uza teknolojia bele lori benefísiu ba Ita-nia moris kaben nian ka bele estraga Ita-nia moris kaben nian. Oinsá teknolojia afeta Ita-nia moris kaben nian?

  • Buat neʼebé Ita presiza hatene

  • Buat neʼebé Ita bele halo

  • Buat neʼebé kaben-naʼin sira hatete

  • Oinsá atu koʼalia hamutuk

Buat neʼebé Ita presiza hatene

  • Bainhira Ita uza teknolojia iha dalan neʼebé diʼak, ida-neʼe bele lori benefísiu ba Ita-nia moris kaben nian. Porezemplu, feen-laʼen balu uza teknolojia atu kontaktu malu beibeik bainhira sira la hamutuk.

    Laʼen ida haruka mensajen domin nian ba ninia feen bainhira sira la hamutuk.

    “Mensajen simples hanesan, ‘Haʼu hadomi ó’ ka ‘Haʼu hanoin ó’, mak folin-boot.”—Jonathan.

  • Bainhira Ita uza sala teknolojia, ida-neʼe bele estraga Ita-nia moris kaben nian. Porezemplu, ema balu uza sira-nia sasán eletróniku barak demais, no ida-neʼe hamenus tempu ho sira-nia kaben no sira la tau atensaun ba sira-nia kaben.

    “Haʼu fiar katak dala ruma haʼu-nia laʼen sei kontente liu atu koʼalia ho haʼu se karik haʼu la uza beibeik haʼu-nia telemovel.”—Julissa.

  • Ema balu dehan katak sira bele uza sira-nia sasán eletróniku no iha tempu hanesan koʼalia ho sira-nia kaben. Matenek-naʼin ida naran Sherry Turkle hatete katak ema barak hanoin katak sira bele halo atividade oioin iha tempu hanesan, maibé neʼe mak hanoin neʼebé sala. Tuir loloos, bainhira ita halo atividade oioin iha tempu hanesan, neʼe laʼós buat neʼebé diʼak. Matenek-naʼin neʼe hatete katak bainhira ita halo atividade oioin iha tempu hanesan, ita la halo atividade sira-neʼe ho didiʼak.a

    “Haʼu gosta koʼalia ho haʼu-nia laʼen, no neʼe bele lori rezultadu diʼak. Maibé haʼu la gosta koʼalia ho nia kuandu nia halo atividade oioin iha tempu hanesan. Bainhira nia kaer telemovel no mós koʼalia ho haʼu, neʼe halo haʼu hanoin katak nia sei kontente liu se nia mesak deʼit ho ninia telemovel.”—Sarah

Buat neʼebé importante: Dalan neʼebé Ita uza teknolojia bele lori benefísiu ba Ita-nia moris kaben nian ka bele estraga Ita-nia moris kaben nian.

Buat neʼebé Ita bele halo

Deside buat neʼebé importante liu. Bíblia hatete: “Buka-hatene loloos buat sira neʼebé importante liu.” (Filipe 1:10) Husu ba Ita-nia an: ‘Tempu neʼebé haʼu no haʼu-nia feen gasta atu uza ami-nia sasán eletróniku hamenus tempu neʼebé ami gasta hamutuk ka lae?’

“Haʼu sente triste bainhira haʼu haree mane ida no feto ida han hamutuk iha restaurante maibé sira rua hateke deʼit ba sira-nia telemovel. Importante atu la sai atan ba teknolojia no haluha buat neʼebé importante liu, neʼe mak ita-nia relasaun diʼak ba malu.”—Matthew.

Tau limite. Bíblia hatete: “Kontinua haree didiʼak oinsá imi halaʼo imi-nia moris, atu imi la moris nuʼudar ema beik maibé nuʼudar ema matenek. Uza didiʼak imi-nia tempu.” (Éfeso 5:15, 16) Husu ba Ita-nia an: ‘Haʼu bele deside nanis tempu ruma atu lee no hatán ba mensajen sira neʼebé la importante duké hatán kedas ba mensajen hotu ka lae?’

“Buat neʼebé ajuda haʼu mak taka haʼu-nia telemovel nia lian, no hatán ba mensajen iha tempu neʼebé haʼu deside nanis ona. Dala barak telefone neʼebé ita simu, mensajen ruma ka e-mail neʼebé tama la urjente no ita la presiza hatán kedas.”—Jonathan.

Se bele, keta kontinua halo Ita-nia serbisu depois oras serbisu nian. Bíblia hatete: “Iha tempu neʼebé loos ba buat hotu.” (Eclesiastes 3:1) Husu ba Ita-nia an pergunta sira tuirmai neʼe: ‘Haʼu kontinua serbisu liuhusi telemovel no neʼe atrapalla haʼu-nia tempu iha uma ho família ka lae? Se nuneʼe, ida-neʼe fó impaktu saida ba haʼu-nia moris kaben nian? Haʼu-nia kaben dehan saida?’

“Tanba teknolojia, ita bele halo serbisu iha tempu naran deʼit. Haʼu presiza hakaʼas an tebes atu la cek beibeik haʼu-nia telemovel no la halo asuntu neʼebé liga ho serbisu bainhira haʼu no haʼu-nia feen gasta tempu hamutuk.”—Matthew.

Koʼalia hamutuk ho Ita-nia kaben kona-ba dalan neʼebé Ita uza teknolojia. Bíblia hatete: “Ema ida-idak tenke kontinua buka uluk ema seluk nia diʼak, laʼós buka diʼak deʼit ba ninia an.” (1 Korinto 10:24) Koʼalia ho Ita-nia kaben kona-ba dalan neʼebé Ita uza teknolojia no kona-ba mudansa neʼebé Ita presiza halo. Ita bele uza sujestaun iha kraik kona-ba oinsá atu koʼalia hamutuk.

“Haʼu no haʼu-nia laʼen toman atu koʼalia nakloke ba malu. Ami sei fó-hanoin malu se ami sente katak ami uza demais ami-nia telemovel ka tablet. Ami rekoñese katak neʼe bele lori problema, tan neʼe ami hakaʼas an atu hanoin malu.”—Danielle.

Buat neʼebé importante: Ita hakarak teknolojia mak sai Ita-nia atan, laʼós Ita mak sai atan ba teknolojia.

Buat neʼebé kaben-naʼin sira hatete

Trista no Georgel.

“Ita sei gasta tempu saugati deʼit se ita uza tempu iha kalan atu haree demais ita-nia telemovel duké koʼalia ho ita-nia kaben. Iha duni asuntu oioin neʼebé ita presiza uza tempu atu halo. Tan neʼe ita presiza kuidadu atu la soe tempu atu haree ita-nia telemovel, maibé uza tempu neʼe atu hakbesik liután ba ita-nia kaben.”—Trista hamutuk ho ninia laʼen, Georgel.

Jonathan no Katelyn.

“Ita presiza tau atensaun tomak ba ita-nia kaben. Sempre iha mensajen, e-mail ka notísias neʼebé tama ita-nia telemovel. Maibé baibain ita la presiza cek kedas buat sira-neʼe. Ita sei la hakerek mensajen bainhira ita lori hela karreta tanba ida-neʼe perigu, nuneʼe mós ita lakohi uza ita-nia telemovel iha dalan neʼebé bele estraga ita-nia moris kaben nian.”—Jonathan hamutuk ho ninia feen, Katelyn.

Oinsá atu koʼalia hamutuk

Primeiru, Ita no Ita-nia kaben bele hanoin kona-ba pergunta sira tuirmai neʼe ketaketak. Tuirmai koʼalia hamutuk kona-ba dalan neʼebé Ita hatán pergunta sira-neʼe.

  • Dalan neʼebé Ita uza teknolojia lori benefísiu ba Ita-nia moris kaben nian ka lae? Se nuneʼe, oinsá?

  • Ita sente katak dalan neʼebé Ita-nia kaben uza teknolojia lori problema ba Ita-nia moris kaben nian ka lae? Se nuneʼe, oinsá?

  • Tuir Ita-nia hanoin, Ita-nia kaben sei dehan katak dalan neʼebé Ita uza teknolojia lori problema ba Ita-nia moris kaben nian ka lae? Se nuneʼe, oinsá?

  • Iha duni razaun tanbasá Ita presiza cek beibeik no hatán kedas ba mensajen sira neʼebé Ita simu ka lae? Se nuneʼe, Ita bele halo saida atu neʼe la lori problema ba Ita-nia moris kaben nian?

  • Mudansa saida mak Ita-nia kaben hakarak Ita atu halo kona-ba dalan neʼebé Ita uza teknolojia?

Rezumu: Oinsá atu uza teknolojia iha dalan neʼebé diʼak?

Deside buat neʼebé importante liu. Keta haluha buat neʼebé importante liu, neʼe mak Ita-nia moris kaben nian.

Tau limite. Ita bele deside nanis tempu neʼebé Ita uza atu lee no hatán ba mensajen sira duké hatán kedas ba mensajen hotu ka lae?

Se bele, keta kontinua halo Ita-nia serbisu depois oras serbisu nian. Maski Ita bele halo serbisu iha fatin naran deʼit maibé neʼe la dehan katak ita tenke halo nuneʼe.

Koʼalia hamutuk ho Ita-nia kaben kona-ba dalan neʼebé Ita uza teknolojia. Oinsá dalan neʼebé Ita uza teknolojia afeta Ita-nia moris kaben nian? Ita presiza halo mudansa saida deʼit?

a Husi livru Reclaiming Conversation—The Power of Talk in a Digital Age.

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe