Nota-rodapé

a Rute 2:11-14: “¹¹ No Boas hatán ba nia hodi dehan: ‘Ema fó-hatene ona ba haʼu buat hotu neʼebé ó halo ba ó-nia banin-feto depois ó-nia laʼen mate, no oinsá ó husik ó-nia aman no ó-nia inan no ó-nia família nia rai no bá nasaun ida neʼebé ó seidauk hatene. ¹² Haʼu hein katak Jeová sei fó ó kolen ba buat neʼebé ó halo ona, no sei iha kolen neʼebé diʼak tebes ba ó husi Jeová, Izraél nia Maromak, neʼebé iha nia liras okos ó mai atu buka protesaun.’ ¹³ Nuneʼe nia hatete: ‘Husik atan haʼu hetan laran-sadiʼa iha Ita-nia matan, haʼu naʼi, tanba Ita fó konsola mai haʼu no tanba Ita koʼalia ho laran-diʼak hodi fó kmaan ba Ita-nia atan-feto, maski haʼu rasik laʼós hanesan Ita-nia atan-feto sira-neʼe ida.’ ¹⁴ No durante tempu han, Boas hatete ba nia: ‘Mai bá, hodi han paun no hoban paun baluk iha tua-siin.’ Nuneʼe, nia tuur iha serbisu-naʼin sira-nia sorin, no Boas fó musan sira neʼebé tunu tiha ona ba nia no nia han toʼo bosu maibé restu nia tau ketak.”