Nota-rodapé

d 1 Samuel 25:24, 25, 28, 30, 31: “²⁴ Nia monu ain iha David nia oin no hatete: ‘Oh, haʼu-nia naʼi, fó todan mai haʼu ba sala neʼe; no favór ida, husik Ita-nia atan-feto atu koʼalia ba Ita-Boot, no rona ba buat neʼebé Ita-nia atan-feto koʼalia. ²⁵ Favór ida, haʼu-nia naʼi, labele husik Ita-nia laran atu halo aat ba Nabal, mane neʼebé la vale buat ida, tanba ninia hahalok hanesan duni ho ninia naran hatudu. Ninia naran mak Nabal, no hahalok beik-teen sempre ho nia. Maibé kona-ba Ita-nia atan-feto, haʼu la haree mane joven sira neʼebé haʼu-nia naʼi haruka mai.’” “²⁸ ‘Halo favór, fó perdua ba Ita-nia atan-feto nia sala, tanba Jeová sei halo duni ba haʼu-nia naʼi uma neʼebé metin ba nafatin, tanba funu neʼebé haʼu-nia naʼi halo mak Jeová nia funu sira; no ema sei la hetan hahalok aat husi Ita, iha loron hotu neʼebé Ita moris.’” “³⁰ ‘Tanba Jeová sei halo ba haʼu-nia naʼi buat diʼak tuir buat hotu neʼebé nia hatete ona, nia sei fó knaar duni ba Ita-Boot atu sai ukun-naʼin ba Izraél. ³¹ Labele husik ida-neʼe atu fó-sala ka halo haʼu-nia naʼi nia laran sidi, hodi fakar raan la ho razaun no hodi uza Ita-nia liman atu salva Ita-nia an. No Jeová sei halo duni buat diʼak ba haʼu-nia naʼi, no Ita tenke hanoin-hetan Ita-nia atan-feto.’”