Nota-rodapé

c Liafuan “kulit troka kulit” katak sá? Matenek-naʼin balu kona-ba Bíblia dehan Satanás hanoin katak Job laran-metin tanba ninia oan no animál deʼit mak lakon sira-nia moris, ka kulit, maibé nia sei la laran-metin atu salva nia moris rasik, ka kulit rasik. Matenek-naʼin seluk dehan liafuan sira-neʼe katak ema prontu atu hetan kanek, ka lakon kulit balun, atu salva nia moris, ka kulit. Porezemplu, baibain ema hiʼit nia liman atu satan netik nia ulun kuandu ema taa nia, hanesan neʼe nia hetan kanek atu salva nia moris. Maski ita la hatene lia-dadolin neʼe katak sá loos, maibé klaru katak Satanás dehan Job prontu atu lakon buat naran deʼit atu salva ninia moris.