Nota-rodapé

d Ema barak hatene Xerxes I nuʼudar ema neʼebé susar atu kontrola ninia hirus. Istória-naʼin ida husi rai-Grésia naran Heródoto hakerek ezemplu balu kona-ba funu neʼebé Xerxes halo hasoru ema gregu. Liurai neʼe haruka ema atu kesi ró barak hamutuk hodi sai nuʼudar ponte atu ninia tropa bele hakur tasi. Kuandu anin-boot estraga ponte neʼe, Xerxes haruka ninia ema atu oho tiha ema neʼebé halo ponte neʼe. Liután neʼe nia “fó kastigu” ba tasi hodi haruka ema baku tasi ho xikote nuʼudar ema seluk lee ho lian makaʼas liafuan aat kona-ba tasi neʼe. Iha funu neʼebé hanesan, kuandu ema riku ida husu atu ninia oan la tama tropa, liurai Xerxes haruka ema atu oho ninia oan no koʼa ba rua hodi sai nuʼudar avizu ba ema seluk.