Nota-rodapé

a Gênesis 12:14-20: “¹⁴ Bainhira Abrão tama ba rai-Ejitu, ema Ejitu sira haree katak feto neʼe bonita tebes. ¹⁵ Ema-boot sira mós haree hetan feto neʼe no gaba nia iha Liurai Ejitu nia oin. Tuirmai sira lori feto neʼe ba Liurai Ejitu nia uma. ¹⁶ Tan feto neʼe, nia mós haree Abrão ho diʼak tebes, no fó Abrão bibi-malae, karau, kuda-burru inan no aman, atan-mane no feto, no kuda-kamelu barak. ¹⁷ Tuirmai Jeová fó malisan ba Liurai Ejitu no ninia umakain tanba Sara, Abrão nia feen. ¹⁸ Tan neʼe Liurai Ejitu bolu Abrão no dehan: ‘Tansá mak Ita halo hanesan neʼe mai haʼu? Tansá Ita la fó-hatene haʼu katak nia mak Ita-nia feen? ¹⁹ Tansá Ita hatete, “Nia haʼu-nia alin-feto”, hodi haʼu mós besik uitoan atu hola nia sai haʼu-nia feen? Ita-nia feen mak neʼe. Lori nia bá!’ ²⁰ Tan neʼe Liurai Ejitu hasai orden ba ninia ema sira kona-ba Abrão no sira haruka sai nia ho ninia feen no sasán hotu.”