Nota-rodapé

c Jó 1:7-12 ⁷ Tuirmai, Jeová husu ba Satanás: “Ó foin mai husi neʼebé?” Satanás hatán ba Jeová: “Haʼu foin laʼo bá-mai haleʼu mundu.” ⁸ Jeová hatete ba Satanás: “Ó haree ona haʼu-nia atan Job ka? Iha mundu, la iha ema ida hanesan nia. Nia mak ema neʼebé laran-loos no laran-metin, hamtaʼuk ba Maromak no hadook an husi buat neʼebé aat.” ⁹ Rona tiha neʼe, Satanás hatán ba Jeová: “Se Job la hetan buat ida, nia sei hamtaʼuk nafatin Maromak ka lae? ¹⁰ Ó mak tau lutu haleʼu nia, ninia uma no buat hotu neʼebé nia iha hodi proteje nia, loos ka lae? Ó mós haraik ona bensaun ba serbisu hotu neʼebé nia halo ho liman, no ninia animál sira sai barak iha rai. ¹¹ Maibé, ba dala ida-neʼe, lolo ó-nia liman no foti toʼok buat hotu neʼebé ninian. Nia sei hatete aat duni ba ó iha ó-nia oin.” ¹² Ho ida-neʼe, Jeová dehan ba Satanás: “Haree bá! Buat hotu neʼebé ninian iha ona ó-nia liman. Maibé nia deʼit mak ó-nia liman keta book!” Nuneʼe, Satanás sees husi Jeová nia oin.