Nota-rodapé

b 2 Reis 4:32-37 ³² Bainhira Eliseu tama ba uma laran, nia haree labarik-mane neʼe mate ona no latan hela iha Eliseu nia kama. ³³ Eliseu tama no taka odamatan. Sira naʼin-rua deʼit mak iha kuartu laran. Tuirmai Eliseu komesa halo orasaun ba Jeová. ³⁴ Depois neʼe, nia saʼe ba kama leten, no latan an iha labarik neʼe nia leten. Nia tau ninia ibun iha labarik neʼe nia ibun, ninia matan iha labarik neʼe nia matan, no taka ninia liman ba labarik neʼe nia liman no kontinua latan iha labarik neʼe nia leten, no labarik neʼe nia isin komesa sente manas. ³⁵ Eliseu laʼo bá-mai iha uma neʼe, depois neʼe, nia saʼe fali ba kama leten no latan an iha labarik neʼe nia leten. Labarik-mane neʼe fani ba dala hitu, tuirmai labarik neʼe loke matan. ³⁶ Eliseu bolu Geazi no dehan: “Bolu feto Sunem neʼe mai.” Entaun Geazi bolu feto neʼe no nia tama mai hasoru Eliseu. Tuirmai Eliseu dehan: “Koʼus ó-nia oan-mane bá.” ³⁷ Feto neʼe tama hodi hakneʼak no hakruʼuk an iha Eliseu nia ain, tuirmai feto neʼe koʼus ninia oan-mane no sai.