Nota-rodapé
b Êxodo 20:1-6 1 Maromak fó sai mandamentu hotu tuirmai neʼe, hodi dehan: 2 “Haʼu mak Jeová, imi-nia Maromak, neʼebé lori imi sai husi rai-Ejitu, husi uma atan nian. 3 Imi labele adora maromak seluk, só adora haʼu deʼit. 4 “Imi labele halo estátua ba imi-nia an ka halo buat naran deʼit atu reprezenta buat neʼebé iha lalehan ka iha rai ka iha bee laran. 5 Imi labele hakruʼuk ba sira ka serbí sira, tanba haʼu, Jeová, imi-nia Maromak, mak Maromak neʼebé hakarak ema atu adora haʼu mesak deʼit, Maromak neʼebé fó kastigu ba oan sira tanba aman nia sala, ba jerasaun tolu no ba jerasaun haat husi ema sira neʼebé odi haʼu, 6 maibé kona-ba ema sira neʼebé hadomi haʼu no halo tuir haʼu-nia mandamentu sira, haʼu sei hatudu domin neʼebé laran-metin ba sira toʼo sira-nia jerasaun rihun ba rihun.