Nota-rodapé

b 2 Samuel 16:5-13 ⁵ Bainhira Liurai David toʼo iha Baurim, mane ida husi Saul nia umakain naran Simei sai mai. Nia hakbesik hodi hakilar atu fó-malisan ba liurai. Simei mak Gera nia oan-mane. ⁶ Nia tuda fatuk ba Liurai David no ninia atan sira, no mós ba ema hotu no asuwaʼin sira neʼebé iha liurai nia liman-loos no liman-karuk. ⁷ Simei fó-malisan, hodi dehan: “Sai tiha, sai tiha husi neʼe, ó neʼebé ohodór! Ó mak mane folin-laek! ⁸ Jeová selu fali ba ó tanba ó oho Saul nia umakain no foti tiha ukun husi nia. Entaun Jeová fó fali ukun neʼe ba ó-nia oan-mane Absalão. Agora ó iha susar laran, tanba ó mak ohodór!” ⁹ Entaun Zeruia nia oan-mane Abisai dehan ba liurai: “Tanbasá mak asu neʼebé mate ona neʼe fó-malisan ba haʼu-nia naʼi liurai? Favór ida, husik haʼu bá neʼebá, no tesi tiha ninia ulun.” ¹⁰ Maibé liurai hatete: “Oh Zeruia nia oan-mane sira, tanbasá mak imi hakarak mete ho ida-neʼe? Husik nia fó-malisan haʼu, tanba Jeová dehan ona ba nia: ‘Fó-malisan ba David!’ Entaun sé mak bele dehan: ‘Tanbasá mak ó halo nuneʼe?’” ¹¹ Tuirmai David dehan ba Abisai no ninia atan sira hotu: “Agora haʼu-nia oan-mane neʼebé sai husi haʼu-nia isin rasik mak buka atu oho haʼu, sá tan ho ema Benjamim ida! Husik nia bá, atu nuneʼe nia bele fó-malisan ba haʼu, tanba Jeová mak haruka nia atu halo nuneʼe! ¹² Karik Jeová sei haree haʼu-nia terus, no Jeová sei haraik bensaun ba haʼu duké malisan sira neʼebé Simei hakilar ba haʼu ohin.” ¹³ Ho ida-neʼe, David no ninia ema sira kontinua laʼo tun iha dalan neʼe. Simei mós laʼo iha foho sorin tuir nia, no hakilar hodi fó-malisan no tuda fatuk no kari rai-rahun barak ba sira.