Nota-rodapé

a Iha Bíblia, liafuan orijinál neʼebé baibain tradús nuʼudar “sosa fali” fó ideia kona-ba folin neʼebé selu. Porezemplu, verbu Ebraiku kafár signifika “taka”. (Génesis 6:14) Dala barak Bíblia uza liafuan neʼe atu refere ba Jeová taka ka perdua ema nia sala. (Salmo 65:3) No liafuan kófer refere ba folin neʼebé selu atu bele taka ema nia sala ka sosa fali ema. (Éxodo 21:30) Nuneʼe mós liafuan Gregu lítron, baibain tradús nuʼudar “sosa fali”, mós bele tradús nuʼudar “folin atu hetan fali”. (Mateus 20:28) Hakerek-naʼin Gregu nian sira uza fraze neʼe atu refere ba folin neʼebé fó atu sosa fali prizioneiru funu nian ka atu halo livre atan ida.