Salmo

85 Oh Jeová, Ita hatudu ona laran-diʼak ba Ita-nia rai;+

Ita lori fali Jacob nia oan sira neʼebé uluk sai ona dadur.+

 2 Ita fó perdua ona ba Ita-nia povu nia hahalok aat;

Ita perdua* ona sira-nia sala hotu.+ (Sela)

 3 Ita tahan netik Ita-nia laran-nakali hotu;

Ita sees ona husi Ita-nia hirus makaʼas.+

 4 Favór ida, simu fali ami,* oh Maromak neʼebé salva ami,

No hadook tiha Ita-nia hirus husi ami.+

 6 Ita sei fó forsa fali ba ami ka lae?

Hodi nuneʼe, Ita-nia povu bele haksolok tanba Ita.+

 7 Oh Jeová, hatudu Ita-nia domin neʼebé laran-metin ba ami,+

No fó salvasaun ba ami.

 8 Haʼu sei rona ba liafuan neʼebé Maromak loos Jeová hatete,

Tanba nia sei koʼalia liafuan dame ba ninia povu,+ ba ninia ema sira neʼebé laran-metin,

Maibé sira labele hatudu fali hahalok fiar an demais.+

 9 Tuir loloos, nia prontu atu salva* sira neʼebé hamtaʼuk nia,+

Atu nuneʼe ninia glória bele hela iha ita-nia rai.

10 Domin boot* no laran-metin sei hasoru malu;

Hahalok loos no dame sei laʼo hamutuk.*+

11 Hahalok laran-metin sei sai buras iha rai,

No hahalok loos sei hateke tun husi lalehan.+

12 Sin, Jeová sei fó buat neʼebé diʼak,*+

No ita-nia rai sei fó fuan.+

13 Hahalok loos sei laʼo iha ninia oin+

No prepara dalan ba ninia hakat sira.