• Ita-nia matan hateke nafatin ba Jeová ka lae?
    Livru Haklaken (Estudu)—2018 | Jullu

    • 9. Jeová fó matadalan saida ba Moisés, maibé Moisés halo fali saida? (Haree dezeñu iha leten.)

      9 Moisés halo saida bainhira povu sira kontra? Dala ida tan nia hateke ba Jeová atu buka matadalan. Maibé agora Jeová la haruka nia atu baku fatuk. Nia haruka Moisés foti ninia ai-tonka, halibur povu besik iha fatuk, no tuirmai koʼalia ba fatuk neʼe. (Números [Bilangan] 20:6-8) Moisés halo nuneʼe ka lae? Lae. Nia sai hirus tebes hodi hakilar povu sira: “Agora rona bá, imi kontradór sira! Imi obriga ami atu fó bee ba imi husi fatuk boot neʼe ka?” Depois nia baku fatuk neʼe, laʼós dala ida deʼit maibé ba dala rua.​—Números 20:10, 11.

  • Ita-nia matan hateke nafatin ba Jeová ka lae?
    Livru Haklaken (Estudu)—2018 | Jullu

    • MOISÉS KONTRA JEOVÁ

      12. Karik tanba razaun saida tan mak Jeová sai hirus ba Moisés no Aarão?

      12 Karik iha razaun seluk tanbasá Jeová sai hirus tebes ba Moisés no Aarão. Moisés hatete ba povu: “Imi obriga ami atu fó bee ba imi husi fatuk boot neʼe ka?” Moisés uza liafuan “ami”, karik nia refere ba nia ho Aarão. Moisés nia liafuan neʼe la hatudu respeitu tanba nia la fó glória hotu ba Jeová nuʼudar Hun ba milagre neʼebé akontese. Eskritura sira iha Salmo 106:32, 33 hatete katak: “Sira halo Maromak hirus iha bee Meribá nian, no sira-nia hahalok neʼe lori problema ba Moisés. Sira halo Moisés sai laran-hirus, no nia koʼalia hodi la hanoin uluk.”e (Números [Bilangan] 27:14) Moisés la fó glória neʼebé Jeová merese atu simu. Tan neʼe Jeová hatete ba Moisés no Aarão: “Imi naʼin-rua kontra haʼu-nia mandamentu.” (Números [Bilangan] 20:24) Sala neʼe sériu tebes!

      13. Tanbasá mak dalan neʼebé Jeová fó kastigu ba Moisés mak desizaun neʼebé loos no justu?

      13 Jeová hakarak Moisés no Aarão atu hatán ba sala neʼebé sira halo tanba sira mak iha responsabilidade atu dirije Jeová nia povu. (Lucas 12:48) Iha tempu uluk Jeová la husik Izraél nia jerasaun tomak atu tama ba rai promete tanba iha tempu neʼebá sira kontra nia. (Números [Bilangan] 14:26-30, 34) Tan neʼe, bainhira Moisés kontra Jeová, Jeová halo buat neʼebé loos no justu hodi fó kastigu neʼebé hanesan ba nia. Jeová la husik Moisés atu tama ba rai promete hanesan sira neʼebé kontra nia.