Haman sai hirus tebes. Nia laʼós deʼit hakarak atu oho Mordecai, maibé atu halakon hotu Mordecai nia ema sira! Haman koʼalia lia-bosok ba liurai hodi book liurai atu haree ema judeu sira nuʼudar ema aat. Maski nia la temi Israel, maibé ninia liafuan hatudu katak ema Israel folin-laek tanba sira mak povu neʼebé ‘namkari no ketak husi povu seluk nia leet’. Buat neʼebé aat liután mak, nia hatete katak sira la halo tuir liurai nia lei, tan neʼe sira mak ema kontradór neʼebé lori perigu ba liurai. Nia mós dehan katak nia prontu atu fó osan barak ba liurai hodi selu fali osan neʼebé uza atu halakon ema judeu sira hotu.c Tuirmai, Liurai Assuero fó ninia kadeli ba Haman atu Haman bele uza hodi tau karimbu ba ukun-fuan naran deʼit neʼebé nia hakarak atu halo.—Ester 3:5-10.