Entaun, ita komprende tanbasá mak Jeová haruka mane naʼin-tolu neʼe atu fó sakrifísiu neʼebé folin-boot. Sira tenke fó karau-aman hitu no bibi-malae aman hitu nuʼudar sakrifísiu. Liutiha tempu balu, Moisés nia Ukun-Fuan fó sai katak se amlulik boot ida halo sala no halo povu tomak hetan sala, nia tenke hasaʼe karau-aman ida nuʼudar sakrifísiu sala nian. (Levítico 4:3) Tuir Moisés nia Ukun-Fuan, karau-aman mak animál neʼebé folin-boot liu atu hasaʼe nuʼudar sakrifísiu. Laʼós neʼe deʼit, Jeová dehan katak nia sei simu sakrifísiu neʼe só deʼit se Job harohan ba nia hodi husu ninia laran-sadiʼa ba sira.d (Job 42:8) Ita fiar katak neʼe halo Job sente kmaan tanba Jeová halo moos Job nia naran no lori justisa!