Hili atividade halimar neʼebé halo Jeová kontente

Jeová mak “Maromak neʼebé kontente”. (1 Timóteo 1:11) Nia hakarak ita moris haksolok no kontente. Maromak kontente kuandu ita fahe tempu atu deskansa husi serbisu no halo ita-nia an sente kmaan fali. Iha lisaun neʼe, ita sei haree oinsá mak ita bele uza tempu deskansa iha dalan neʼebé halo ita no mós Jeová kontente.

1. Saida mak Ita presiza hanoin-hetan kuandu hili atividade halimar?

Ita gosta halo saida iha tempu deskansa? Ema balu gosta atu hakmatek deʼit iha uma hodi rona múzika, haree filme, halimar internét ka lee livru. Ema balu fali gosta halo atividade oioin ho kolega sira hanesan saʼe foho, nani, ka joga bola. Maski ita bele hili buat neʼebé ita gosta, ita hotu presiza haree didiʼak se buat neʼebé ita hili “halo Naʼi kontente”. (Éfeso 5:10) Importante ba ita atu komprende ida-neʼe, tanba atividade halimar ka diversaun barak neʼebé ema gosta ohin loron inklui hahalok neʼebé Jeová odi, hanesan violénsia, sala seksuál, ka espiritizmu. (Lee Salmo 11:5.) Saida mak bele ajuda ita atu hili ho didiʼak atividade halimar ka diversaun?

Se ita hili belun neʼebé hadomi Jeová, sira bele fó influénsia diʼak mai ita no neʼe ajuda ita atu hili didiʼak atividade halimar. Hanesan ita aprende ona iha Lisaun 48, “ema neʼebé laʼo hamutuk ho ema matenek sei sai matenek”. Maibé se ita ransu beibeik ho ema neʼebé la hafolin Maromak nia morál sira, ita “sei hetan problema boot”.​—Provérbios 13:20.

2. Tanbasá mak importante atu kontrola tempu neʼebé ita uza atu halimar?

Maski ita hili ona atividade halimar neʼebé diʼak, ita presiza kuidadu atu la gasta tempu demais ba ida-neʼe, se lae ita sei la iha tempu ba atividade oioin neʼebé importante liu. Bíblia hatete mai ita atu ‘uza didiʼak ita-nia tempu’.​—Lee Éfeso 5:15, 16.

KEʼE KLEʼAN

Aprende oinsá atu halo desizaun diʼak kona-ba atividade halimar ka diversaun.

3. Hadook an husi atividade halimar ka diversaun neʼebé la diʼak

Tanbasá mak ita presiza hili didiʼak atividade halimar nian? Loke VÍDEO, depois koʼalia hamutuk kona-ba pergunta tuirmai.

VÍDEO: Atividade halimar saida mak haʼu sei hili? (4:39)

• Oinsá mak jogu gladiadór iha Roma antigu atu hanesan ho atividade halimar balu ohin loron?

• Iha vídeo neʼe, Dani aprende saida kona-ba hili atividade halimar?

Lee Roma 12:9, depois koʼalia hamutuk kona-ba pergunta tuirmai:

• Oinsá mak eskritura neʼe bele ajuda Ita atu hili didiʼak atividade halimar?

Buat saida deʼit mak Jeová odi? Lee Provérbios 6:16, 17 no Galásia 5:19-21. Depois lee tiha eskritura ida-idak, koʼalia hamutuk kona-ba pergunta tuirmai:

• Filme, múzika, livru no vídeo game ohin loron fó sai hahalok aat saida deʼit?

Oinsá atu halo desizaun diʼak kona-ba atividade halimar

Husu ba Ita-nia an:

• Saida mak haʼu halo? Neʼe inklui buat neʼebé Jeová odi ka lae?

• Bainhira? Neʼe hanetik haʼu atu halo buat neʼebé importante liu ka lae?

• Ho sé? Haʼu sei ransu beibeik ho ema neʼebé la hadomi Jeová ka lae?

Atu proteje ita-nia an, ita presiza hasees an husi perigu sira. Tan neʼe ita presiza hadook an husi atividade halimar neʼebé bele fó impaktu aat mai ita

4. Uza Ita-nia tempu ho didiʼak

VÍDEO: Saida mak kontrola Ita-nia tempu? (2:45)

• Maski irmaun iha vídeo neʼe la haree buat neʼebé la diʼak, maibé oinsá mak dalan neʼebé nia uza tempu deskansa fó impaktu ba ninia moris?

Lee Filipe 1:10, depois koʼalia hamutuk kona-ba pergunta tuirmai:

• Oinsá mak eskritura neʼe bele ajuda ita atu deside kona-ba tempu neʼebé ita uza ba halimar?

5. Hili atividade halimar neʼebé diʼak

Maski iha atividade halimar balu neʼebé halo Jeová la kontente, maibé iha mós buat diʼak barak neʼebé ita bele halo. Lee Eclesiastes 8:15 no Filipe 4:8, depois koʼalia hamutuk kona-ba pergunta tuirmai:

• Ita gosta halo atividade halimar ka diversaun hanesan saida?

PONTU IMPORTANTE

Jeová hakarak ita atu hili atividade ka diversaun neʼebé diʼak no sente kontente.

Rezumu

• Ema Kristaun presiza hadook an husi atividade halimar ka diversaun hanesan saida?

• Tanbasá mak ita presiza kuidadu kona-ba tempu neʼebé ita uza ba halimar?

• Tanbasá mak ita hakarak hili atividade halimar ka diversaun neʼebé halo Jeová kontente?

BUKA-HATENE LIUTÁN

Sé mak iha responsabilidade atu halo desizaun kona-ba atividade halimar?

“Testemuña ba Jeová iha lista kona-ba filme, livru, ka múzika ruma neʼebé sira labele haree ka rona ka lae?” (Informasaun iha jw.org/tdt)

Oinsá mak Ita bele hili atividade halimar ho didiʼak?

“Ita hili atividade halimar nian neʼebé lori diʼak ba ita ka lae?” (Livru Haklaken, 15 Outubru 2011)

Iha istória “Haʼu la diskrimina tan ema seluk”, haree toʼok oinsá mak mane ida troka ninia hanoin kona-ba múzika neʼebé nia rona.

“Bíblia troka ema nia moris” (Informasaun husi Livru Haklaken)

Haree oinsá mak inan ida halo desizaun diʼak kona-ba filme neʼebé fó sai istória kona-ba espíritu aat.

Sees husi atividade halimar nian neʼebé liga ho espiritizmu (2:02)