• “Koʼalia deʼit liafuan neʼebé diʼak atu hametin” malu
    “Hela Nafatin iha Maromak nia Domin”

    • TANBASÁ ITA PRESIZA KUIDADU HO ITA-NIA LIAFUAN

      4, 5. Oinsá mak lia-dolin balun iha Bíblia hatudu katak liafuan iha kbiit?

      4 Razaun ida neʼebé importante atu ita kuidadu ho dalan neʼebé ita koʼalia mak liafuan iha kbiit. Provérbios 15:4 hatete: “Nanál neʼebé kalma mak hanesan ai-hun moris nian, maibé nanál neʼebé kleʼuk hatún ema nia laran.”a Hanesan bee fó moris ba ai-hun neʼebé namlaek ona, nuneʼe mós koʼalia neʼebé kalma ho liafuan neʼebé diʼak bele halo ema sente kmaan. Maibé, nanál neʼebé kleʼuk mak hanesan koʼalia lia-bobar, no ida-neʼe bele halo ema sente ladiʼak no moe. Tuir loloos, ita-nia liafuan iha kbiit atu hakanek ka kura ema nia laran.​—Provérbios 18:21.