3. Aprende lia-loos kona-ba ema mate nia kondisaun

Ema iha mundu neʼe iha fiar oioin kona-ba ema mate nia kondisaun. Klaru katak, laʼós sira hotu nia fiar mak loos.

• Iha Ita-nia área, ema fiar saida kona-ba ema mate nia kondisaun?

VÍDEO: Saida mak akontese kuandu ema mate?​—Vídeo badak (1:19)

Lee Eclesiastes 3:20, depois koʼalia hamutuk kona-ba pergunta tuirmai:

• Tuir eskritura neʼe, ema mate nia kondisaun mak oinsá?

• Ita iha klamar neʼebé kontinua moris bainhira ita mate ka lae?

Bíblia fó-hatene mai ita kona-ba Jesus nia belun Lázaro neʼebé mate. Nuʼudar ita lee João 11:11-14, haree Jesus kompara Lázaro nia kondisaun hanesan saida. Depois koʼalia hamutuk kona-ba pergunta tuirmai:

• Jesus kompara mate mak hanesan saida?

• Komparasaun neʼe hatudu saida mai ita kona-ba ema mate nia kondisaun?

• Ita sente oinsá kona-ba Bíblia nia hanorin kona-ba mate?

4. Jesus hatudu katak nia bele fó moris-hiʼas ba ema mate

Aprende liután kona-ba saida mak Jesus halo ba ninia belun Lázaro. Lee João 11:14, 38-44, depois koʼalia hamutuk kona-ba pergunta tuirmai:

• Oinsá mak ita hatene katak Lázaro mate duni?—Haree versíkulu 39.

• Se Lázaro saʼe duni ba lalehan, tuir Ita-nia hanoin Jesus sei halo nia moris filafali iha rai ka lae?

Loke VÍDEO.

VÍDEO: Jesus fó moris-hiʼas ba Lázaro (1:16)