• Kongregasaun hotu “tama iha tempu dame nian”
    “Fó Sasin ho Didiʼak kona-ba Maromak nia Ukun”

    • 1, 2. Saul hakarak halo saida iha Damasku?

      SAUL no ema-lubun besik ona atu toʼo Damasku, sira planu atu halo buat aat iha neʼebá. Sira sei dada sai Jesus nia dixípulu sira husi uma-laran, kesi sira, hamoe, no lori sira ba Jeruzalein atu fó kastigu iha Sinédriu nia oin.

      2 Ida neʼebé dirije ema-lubun neʼe mak naran Saul.a Nia hola parte ona hodi oho ema. Bainhira ema Judeu neʼebé fanátiku tuda mate Estevão, nia mós haree no apoia ida-neʼe. (Após 7:57–8:1) Saul la fó-terus deʼit ba Jesus nia dixípulu sira iha Jeruzalein, maibé nia mós dirije ema atu fó-terus ba Jesus nia dixípulu sira iha sidade seluk. Nia hakarak halakon grupu relijiaun neʼebé ema koñese nuʼudar “Naʼi nia dalan”.—Após 9:1, 2; haree kaixa “Saul nia podér iha Damasku”.