1, 2. Tanbasá Barnabé no Saul nia knaar mak úniku, no oinsá mak buat neʼebé sira halo sei kumpre Apóstolu 1:8?

NEʼE mak loron neʼebé furak ba kongregasaun iha Antiokia. Husi profeta no mestre hotu iha Antiokia, Barnabé no Saul mak hetan knaar liuhusi espíritu santu atu haklaken liafuan diʼak ba fatin neʼebé dook liu.a (Após 13:1, 2) Loos, antes neʼe mane sira neʼebé kumpre kritéria simu ona knaar atu bá fatin neʼebé iha ona ema Kristaun. (Após 8:14; 11:22) Maibé agora Barnabé no Saul hamutuk ho João Marcos neʼebé nuʼudar ajudante, sei haklaken iha fatin neʼebé ema barak seidauk rona liafuan diʼak.

² Maizumenus tinan 14 antes neʼe, Jesus hatete ba ninia dixípulu sira: “Imi sei sai haʼu-nia testemuña iha Jeruzalein, iha Judeia tomak no iha Samaria, no toʼo rai sira neʼebé dook liu iha mundu.” (Após 1:8) Hodi hili Barnabé no Saul nuʼudar misionáriu, neʼe sei ajuda atu kumpre Jesus nia profesia!b

4. (a) Oinsá mak Barnabé no Saul hetan knaar, no saida mak ema Kristaun sira-nia reasaun iha tempu neʼebá? (b) Oinsá mak ita bele apoia sira neʼebé simu knaar iha kongregasaun?

⁴ Maibé, tanbasá mak Jeová uza espíritu santu atu hili liu Barnabé no Saul atu halo serbisu neʼe? (Após 13:2) Bíblia la fó sai kona-ba neʼe. Maibé ita hatene katak Jeová mak hili duni mane sira-neʼe. Profeta no mestre sira iha Antiokia la kontra desizaun neʼe. Sira apoia Barnabé no Saul atu halaʼo knaar neʼe. Imajina toʼok buat neʼebé Barnabé no Saul sente kuandu irmaun sira la hatudu laran-moras, halo jejún, orasaun, no “tau liman ba sira naʼin-rua no haruka sira bá”. (Após 13:3) Ita mós presiza apoia ema neʼebé simu knaar iha kongregasaun, inklui irmaun sira neʼebé tau matan ba kongregasaun. Duké sai laran-moras ba sira neʼebé hetan knaar, ita presiza “hafolin tebes sira no hadomi sira tanba sira-nia serbisu”.—1 Tes 5:13.