Watchtower BIBLIOTEKA ONLINE

“Sira kontinua haksolok no sai nakonu ho espíritu santu”

“Fó Sasin ho Didiʼak kona-ba Maromak nia Ukun”
- 5. Esplika toʼok oinsá Barnabé no Saul haklaken iha Xipre.
  
  ⁵ Depois laʼo tiha ba ponte-kais iha Seléusia besik Antiokia, Barnabé no Saul saʼe ró ba illa Xipre, neʼebé dook maizumenus kilómetru 200.d Barnabé mak husi illa Xipre, tan neʼe ita bele fiar katak nia laran-manas tebes atu lori liafuan diʼak ba ema iha área neʼebá. Bainhira Barnabé no Saul toʼo iha sidade Salamina, neʼebé iha illa Xipre nia parte leste, sira hahú haklaken kedas “Maromak nia liafuan iha ema Judeu nia sinagoga sira”.e (Após 13:5) Barnabé no Saul laʼo haleʼu Xipre no karik haklaken iha sidade boot hotu. Neʼe katak karik sira laʼo ain maizumenus kilómetru 220.
  
  EMA JUDEU NIA SINAGOGA
  
  Foufoun ema Judeu uza liafuan “sinagoga” atu refere ba ema neʼebé halibur hamutuk. Maibé ikusmai liafuan neʼe refere ba fatin ka uma neʼebé ema uza atu adora Jeová.
  
  Tuir istória, ema Judeu komesa halibur hamutuk iha sinagoga iha tempu neʼebé sira sai dadur iha Babilónia durante tinan 70. Sinagoga mak fatin neʼebé sira uza atu hanorin, halaʼo adorasaun, lee Ukun-Fuan sira, no rona esplikasaun kona-ba Eskritura sira. Iha apóstolu sira-nia tempu, sidade ida-idak iha Izraél iha sinagoga rasik. Iha sidade neʼebé boot, iha sinagoga balu, no iha sinagoga barak iha Jeruzalein.
  
  Kuandu sai livre tiha husi Babilónia, laʼós ema Judeu hotu mak fila fali ba Izraél. Sira barak halo viajen ba nasaun seluk atu halo negósiu. Maizumenus iha tinan 500 AEC, ema Judeu barak hela iha provínsia 127 iha Pérsia nia ukun. (Ester 1:1; 3:8) Tuirmai, ema Judeu barak mós hela iha sidade sira neʼebé haleʼu Tasi Mediterráneu. Ema Judeu sira harii no halibur hamutuk iha sinagoga iha fatin neʼebé sira hela bá.
  
  Kada semana iha loron Sábadu, ema lee no esplika Ukun-Fuan sira iha sinagoga. Ema neʼebé lee hamriik iha palku leten, no iha tuur-fatin neʼebé haleʼu iha sorin-sorin. Mane Judeu sira neʼebé laran-metin bele hola parte atu lee, haklaken, no hanorin kona-ba Eskritura sira.

“Sira kontinua haksolok no sai nakonu ho espíritu santu”

“Fó Sasin ho Didiʼak kona-ba Maromak nia Ukun”
- d Iha apóstolu sira-nia tempu, ró ida bele halai dook maizumenus kilómetru 160 iha loron ida se anin diʼak. Se klima mak la diʼak, viajen neʼe sei laʼo ba tempu naruk.