8. Tanbasá mak Paulo no Barnabé sai husi Ikónio, no ita bele aprende saida husi sira-nia ezemplu?

⁸ Liutiha tempu balu, kontradór sira iha Ikónio halo planu atu tuda Paulo no Barnabé. Bainhira sira naʼin-rua rona tiha planu neʼe, sira deside atu bá fatin seluk hodi haklaken. (Após 14:5-7) Ohin loron, haklaken-naʼin sira mós presiza hatudu matenek. Bainhira ema koʼalia aat ita ka liafuan diʼak, ita hakarak atu koʼalia ho aten-brani. (Flp 1:7; 1 Ped 3:13-15) Maibé bainhira ema ameasa atu halo violénsia ba ita, ita hakarak hatudu matenek no hasees an husi situasaun neʼebé lori perigu ba ita no irmaun-irmán sira.—Prov 22:3.