Perigu atu fiar an demais

5. Ita presiza hasees an husi perigu saida?

⁵ Iha apóstolu Paulo nia karta ba ema kristaun iha Roma, nia fó avizu kona-ba perigu ida. Ita hotu presiza hasees an husi perigu neʼe se ita hakarak hetan susesu atu buka uluk buat neʼebé loos tuir Maromak nia haree. Paulo koʼalia kona-ba ema judeu hodi dehan: “Haʼu fó sasin ba sira-nia laran-manas kona-ba Maromak, maibé sira-nia laran-manas neʼe nakukun hela. Basá, sira la hatene katak justisa mai husi Maromak; maibé sira hakaʼas an atu hetan justisa tuir sira dalan, sira la simu Maromak nia justisa.” (Rom 10:2, 3) Tuir Paulo, ema judeu sira-neʼe la hatene Maromak nia justisa ka buat neʼebé loos tuir Maromak nia haree tanba sira sempre buka atu hatudu sira-nia an nuʼudar ema loos tuir sira rasik nia hanoin.a