Oinsá atu halaʼo moris família neʼebé kontente?​—Parte 2

Oan sira mak prezente husi Jeová. Nia hakarak inan-aman atu tau matan didiʼak ba prezente neʼe. Jeová fó matadalan diʼak hodi bele ajuda inan-aman atu halo ida-neʼe. Ninia matadalan mós bele ajuda oan sira atu halo buat neʼebé lori kontente ba família.

1. Matadalan saida mak Jeová fó ba inan-aman?

Jeová hakarak inan-aman atu hadomi sira-nia oan no hakaʼas an atu uza tempu barak hamutuk ho sira. Nia mós hakarak inan-aman atu proteje sira-nia oan husi perigu oioin no uza Bíblia nia prinsípiu atu hanorin oan sira. (Provérbios 1:8) Nia hatete ba aman sira: ‘Kontinua haboot imi-nia oan ho hanorin neʼebé tuir Jeová nia hakarak.’ (Lee Éfeso 6:4.) Jeová sente kontente kuandu inan-aman halo tuir ninia matadalan hodi haboot sira-nia oan no la entrega responsabilidade neʼe ba ema seluk.

2. Matadalan saida mak Jeová fó ba oan sira?

Jeová hatete ba oan sira: “Halo tuir imi-nia inan-aman.” (Lee Koloso 3:20.) Kuandu oan sira hatudu respeitu no halo tuir inan-aman, sira halo Jeová no sira-nia inan-aman kontente. (Provérbios 23:22-25) Jesus hatudu ona ezemplu diʼak bainhira nia sei labarik. Maski Jesus mak perfeitu, nia halo tuir no hatudu respeitu ba ninia inan-aman neʼebé la perfeitu.​—Lucas 2:51, 52.

3. Oinsá mak Ita bele hakbesik ba Maromak nuʼudar família?

Se Ita mak inan ka aman neʼebé hadomi Jeová, Ita mós hakarak Ita-nia oan atu hadomi Jeová. Oinsá mak Ita bele halo nuneʼe? Bíblia hatete: ‘Imi tenke hanorin Jeová nia liafuan ba imi-nia oan no koʼalia kona-ba buat sira-neʼe kuandu imi tuur iha imi-nia uma no kuandu imi laʼo iha dalan.’ (Deuteronómio 6:7, nota-rodapé) Liafuan “hanorin” signifika hanorin hodi repete beibeik. Karik Ita hatene katak koʼalia hodi repete bele ajuda oan sira atu hanoin-hetan. Entaun eskritura neʼe hatudu katak Ita presiza buka beibeik oportunidade atu koʼalia kona-ba Jeová ba Ita-nia oan. Diʼak atu família tomak fahe tempu semana-semana atu adora Jeová no estuda Bíblia hamutuk. No maski Ita la iha oan, Ita sei nafatin hetan benefísiu se Ita fahe tempu kada semana atu estuda Maromak nia Liafuan.

KEʼE KLEʼAN

4. Treinu Ita-nia oan ho domin

Fó treinu ba oan sira mak knaar neʼebé la fasil. Oinsá mak Bíblia bele ajuda inan-aman? Lee Tiago 1:19, 20, depois koʼalia hamutuk kona-ba pergunta tuirmai:

• Oinsá mak inan-aman bele hatudu domin bainhira sira koʼalia ho oan?

• Tanbasá mak inan-aman labele fó dixiplina ba oan sira kuandu hirus hela?a

5. Proteje Ita-nia oan

Atu bele proteje Ita-nia oan, importante tebes atu koʼalia kona-ba buat seksuál ba Ita-nia oan ida-idak. Karik neʼe halo Ita sente susar no moe. Loke VÍDEO, depois koʼalia hamutuk kona-ba pergunta tuirmai.

VÍDEO: Proteje Ita-nia oan husi buat neʼebé aat (2:58)

• Tanbasá mak inan-aman balu sente susar atu koʼalia kona-ba buat seksuál ba sira-nia oan?

• Iha dalan saida deʼit mak inan-aman balu esplika kona-ba buat seksuál ba sira-nia oan?

Hanesan Bíblia fó-hatene nanis, Satanás nia mundu sai aat ba beibeik. Lee 2 Timóteo 3:1, 13, depois koʼalia hamutuk kona-ba pergunta tuirmai:

• Ema aat neʼebé temi iha versíkulu 13 inklui mós ema neʼebé abuza labarik iha dalan seksuál. Entaun, tanbasá mak importante ba inan-aman atu hanorin sira-nia oan kona-ba buat seksuál no oinsá atu proteje an husi ema neʼebé koko abuza sira?

Ita hatene ka lae?

Testemuña ba Jeová prodús publikasaun barak neʼebé ajuda inan-aman atu esplika ba sira-nia oan kona-ba buat seksuál no proteje sira husi abuzu. Porezemplu, haree:

• Proteje imi-nia oan sira (vídeo)

• Aprende husi Mestre Boot, kapítulu 10 no 32

• “Esplika ba oan sira kona-ba relasaun seksuál” (Matan-moris bá! No. 5 2016)

6. Respeitu imi-nia inan-aman

VÍDEO: Oinsá mak haʼu bele koʼalia ba haʼu-nia inan-aman? (2:19)

• Se oan ida koʼalia ba inan-aman ho respeitu, neʼe sei lori benefísiu saida?

• Oinsá mak joven ida bele koʼalia ba inan-aman ho respeitu?

Lee Provérbios 1:8, depois koʼalia hamutuk kona-ba pergunta tuirmai:

• Oan sira presiza hatudu hahalok saida bainhira inan-aman haruka sira atu halo buat ruma?

7. Adora Jeová hamutuk nuʼudar família

Família sira neʼebé Testemuña ba Jeová deside nanis tempu atu halaʼo adorasaun família semana-semana. Oinsá mak sira halaʼo sira-nia adorasaun família nian? Loke VÍDEO, depois koʼalia hamutuk kona-ba pergunta tuirmai.

VÍDEO: Adorasaun Família nian​—Dezafiu no bensaun (8:04)

• Oinsá mak família ida bele halaʼo nafatin Adorasaun Família nian?

• Inan-aman bele halo saida atu sira-nia família bele hetan benefísiu no sente kontente?​—Haree foto iha lisaun ida-neʼe nia oin.

• Saida deʼit mak bele halo susar ba Ita atu estuda hamutuk?

Iha Izraél antigu, Jeová hakarak família atu koʼalia ba malu beibeik kona-ba Eskritura sira. Lee Deuteronómio 6:6, 7, depois koʼalia hamutuk kona-ba pergunta tuirmai:

• Oinsá mak Ita bele aplika prinsípiu neʼe?

Ideia kona-ba adorasaun família:

• Prepara ba reuniaun kongregasaun nian.

• Lee no koʼalia hamutuk kona-ba istória ida husi Bíblia neʼebé Ita-nia família sei gosta.

• Se Ita-nia oan sei kiʼik, download ka print atividade ruma ba labarik husi jw.org.

• Se Ita iha oan neʼebé joven, koʼalia hamutuk kona-ba tópiku ruma ba joven sira husi jw.org.

• Halo drama kona-ba istória husi Bíblia hamutuk ho oan sira.

• Haree no koʼalia hamutuk kona-ba vídeo ruma husi jw.org.

PONTU IMPORTANTE

Jeová nia hakarak mak inan-aman hadomi, hanorin no proteje sira-nia oan. Nia mós hakarak oan sira hatudu respeitu no halo tuir inan-aman, no família sira adora nia hamutuk.

Rezumu

• Oinsá mak inan-aman bele treinu no proteje sira-nia oan?

• Oinsá mak oan sira bele hatudu respeitu ba inan-aman?

• Hodi fahe tempu semana-semana atu adora Maromak hamutuk nuʼudar família, neʼe lori benefísiu saida?

BUKA-HATENE LIUTÁN

Ita-nia oan bele haburas hahalok saida deʼit atu bele moris kontente bainhira sira boot?

“Lisaun neen neʼebé bele ajuda oan” (Matan-moris bá! No. 2 2019)

Aprende Bíblia nia matadalan neʼebé bele ajuda ita atu tau matan ba inan-aman neʼebé idade ona.

“Saida mak Bíblia hatete kona-ba tau matan ba inan-aman neʼebé idade ona?” (Informasaun iha jw.org/tdt)

Haree oinsá mak mane ida aprende atu haboot oan ho susesu.

Aprende husi Jeová oinsá atu haboot oan (5:58)

Buka-hatene oinsá mak aman sira bele hametin sira-nia relasaun ho sira-nia oan-mane.

“Oinsá mak aman sira bele besik nafatin ho sira-nia oan-mane?” (Livru Haklaken, 1 Janeiru 2012)