1. Oinsá mak belun neʼebé Ita hili sei fó impaktu ba Ita?

Baibain ita-nia hahalok sai hanesan ho ema neʼebé ita ransu. No maski ita ransu ho sira oin ba oin, ka liuhusi média sosiál, sira bele fó impaktu mai ita iha dalan neʼebé diʼak no mós aat. Bíblia hatete: “Ema neʼebé laʼo hamutuk ho ema matenek sei sai matenek, maibé ema neʼebé ransu ho ema beik sei hetan problema boot.” (Provérbios 13:20) Belun sira neʼebé hadomi no adora Jeová bele ajuda ita atu hakbesik ba Nia no halo desizaun neʼebé diʼak. Maibé belun sira neʼebé la hadomi Jeová bele halo ita dook husi Jeová. Tan neʼe mak Bíblia anima ita atu hili didiʼak ita-nia belun. Kuandu ita sai belun ho ema neʼebé hadomi Maromak, neʼe sei lori benefísiu ba ita-nia an rasik no mós ba sira. Ita bele “kontinua fó aten-brani ba malu no hametin malu”.​—1 Tesalónika 5:11.

Bainhira Jeová kria ita, nia fó prezente furak ida mai ita. Neʼe mak abilidade atu koʼalia. Jeová interese ka lae kona-ba dalan neʼebé ita uza prezente neʼe? Sin, nia interese duni! (Lee Tiago 1:26.) Entaun oinsá mak ita bele uza ita-nia abilidade atu koʼalia iha dalan neʼebé halo Jeová kontente?

1. Oinsá mak ita bele uza prezente husi Jeová iha dalan neʼebé diʼak?

Bíblia haruka ita atu “fó aten-brani ba malu no hametin malu”. (1 Tesalónika 5:11) Ita bele hanoin kona-ba ema neʼebé presiza hetan anima ka lae? Ita bele halo saida atu halo sira sente diʼak? Hatete ba sira katak Ita hanoin sira. Karik ita bele koʼalia kona-ba ninia hahalok diʼak neʼebé ita hafolin. Ita bele hanoin eskritura neʼebé bele anima ema ruma neʼebé Ita koñese? Iha eskritura barak neʼebé Ita bele hili. Hanoin-hetan, dalan neʼebé ita koʼalia mós bele anima ema seluk. Tan neʼe sempre koʼalia ho laran-diʼak no laran-maus.​—Provérbios 15:1.

2. Ita labele koʼalia liafuan hanesan saida?

Bíblia hatete: “Keta husik liafuan aat sai husi imi-nia ibun.” (Lee Éfeso 4:29.) Neʼe katak ita la uza liafuan tolok, liafuan kroʼat, soe piadas ka koʼalia buat ruma atu hakanek ema seluk nia laran. Ita mós labele konta ema nia vida ka hafoʼer ema seluk nia naran.​—Lee Provérbios 16:28.

3. Oinsá mak Ita bele koʼalia iha dalan neʼebé anima ema seluk?

Baibain ita koʼalia kona-ba buat neʼebé iha ita-nia neon ka laran. (Lucas 6:45) Tan neʼe, ita presiza treinu ita-nia an atu fokus ba buat neʼebé pozitivu, hanesan ‘buat neʼebé loos, buat neʼebé moos, buat neʼebé haburas domin, buat neʼebé merese hahiʼi’. (Filipe 4:8) Atu bele fokus ba buat sira-neʼe, ita presiza hili ho didiʼak ita-nia kolega no buat neʼebé ita halo iha tempu halimar. (Provérbios 13:20) Diʼak mós atu hanoin uluklai antes koʼalia. Hanoin didiʼak oinsá mak Ita-nia liafuan bele fó impaktu ba ema seluk. Bíblia hatete: “Liafuan neʼebé koʼalia sai hodi la hanoin uluk mak hanesan sona ho surik, maibé ema matenek nia nanál mak bele kura.”​—Provérbios 12:18.

KEʼE KLEʼAN

4. Kontrola Ita-nia liafuan

Ita hotu dala ruma koʼalia buat neʼebé ikusmai ita arrepende. (Tiago 3:2) Lee Galásia 5:22, 23, depois koʼalia hamutuk kona-ba pergunta tuirmai:

• Ita hakarak husu Jeová atu ajuda Ita haburas hahalok saida hodi bele kontrola Ita-nia liafuan? Oinsá mak hahalok sira-neʼe bele ajuda Ita?

Lee 1 Korinto 15:33, depois koʼalia hamutuk kona-ba pergunta tuirmai:

• Oinsá mak kolega no diversaun neʼebé Ita hili bele fó impaktu ba dalan neʼebé Ita koʼalia?

Lee Eclesiastes 3:1, 7, depois koʼalia hamutuk kona-ba pergunta tuirmai:

• Bainhira mak tempu neʼebé diʼak atu nonook ka hein ba tempu seluk atu koʼalia?

5. Koʼalia buat pozitivu kona-ba ema seluk

VÍDEO: Koʼalia deʼit “Buat neʼebé diʼak atu hametin” ema seluk (4:07)

• Tanbasá mak irmaun iha vídeo neʼe hakarak troka ninia dalan atu koʼalia kona-ba ema seluk?

• Saida mak nia halo atu troka ninia toman?

Lee Eclesiastes 7:16, depois koʼalia hamutuk kona-ba pergunta tuirmai:

• Saida mak ita presiza hanoin-hetan kuandu ita hakarak koʼalia buat neʼebé negativu kona-ba ema seluk?

Lee Eclesiastes 7:21, 22, depois koʼalia hamutuk kona-ba pergunta tuirmai:

• Oinsá mak eskritura neʼe bele ajuda Ita atu la hirus lalais kuandu ema seluk koʼalia buat neʼebé negativu kona-ba Ita?

6. Hatudu laran-diʼak bainhira koʼalia ho Ita-nia família

VÍDEO: Domin no respeitu hametin família sira (3:08)

• Saida mak bele ajuda Ita atu koʼalia ho laran-diʼak ba Ita-nia família?

Lee Éfeso 4:31, 32, depois koʼalia hamutuk kona-ba pergunta tuirmai:

• Liafuan hanesan saida mak bele halo Ita-nia família kontente?

Jeová fó sai ninia sentimentu kona-ba ninia Oan-Mane Jesus. Lee Mateus 17:5, depois koʼalia hamutuk kona-ba pergunta tuirmai:

• Oinsá mak Ita bele halo tuir Jeová nia ezemplu bainhira Ita koʼalia ho Ita-nia família?

PONTU IMPORTANTE

Liafuan iha kbiit. Ita presiza hanoin didiʼak kona-ba saida mak ita koʼalia, bainhira mak ita koʼalia, no oinsá mak ita koʼalia.

Rezumu

• Iha dalan saida deʼit mak Ita bele uza Ita-nia liafuan atu ajuda ema seluk?

• Ita labele koʼalia liafuan hanesan saida?

• Saida mak bele ajuda ita atu sempre koʼalia ho laran-diʼak no anima ema seluk?

BUKA-HATENE LIUTÁN

Saida mak bele ajuda ita atu koʼalia liafuan neʼebé anima ema seluk?

Haburas matenek bainhira Ita koʼalia (8:04)

Aprende saida mak bele ajuda Ita atu la koʼalia liafuan aat.

“Tolok mak aat duni ka lae?” (Informasaun iha jw.org/tdt)

Haree toʼok oinsá mak Ita bele sees husi konta ema nia vida.

Dalan atu hapara gosip (2:36)

Buka-hatene oinsá mak Jeová ajuda mane ida neʼebé susar atu para tolok.

“Haʼu komesa hanoin didiʼak kona-ba haʼu-nia moris sei sai oinsá” (Informasaun husi Livru Haklaken)