• “Koʼalia deʼit liafuan neʼebé diʼak atu hametin” malu
    “Hela Nafatin iha Maromak nia Domin”

    • 7, 8. Oinsá mak Maromak Jeová tesi lia kona-ba liafuan neʼebé ita koʼalia?

      7 Razaun terseiru atu kuidadu ho dalan neʼebé ita koʼalia mak Maromak Jeová mak tesi lia kona-ba ita-nia liafuan. Dalan neʼebé ita koʼalia la kona deʼit ita-nia relasaun ho ema seluk, maibé kona mós ita-nia relasaun ho Maromak Jeová. Tiago 1:​26 hatete: “Ema ruma hanoin katak nia besik Maromak, maibé la hatene ukun nia nanál karik hodi bosok nia fuan, ema neʼe nia relijiaun [“adorasaun”, MF] folin-laek.”b Hanesan ita haree tiha ona iha kapítulu uluk, ita-nia liafuan kona duni ho ita-nia adorasaun. Se ita la kontrola ita-nia nanál hodi fakar sai liafuan hanesan venenu neʼebé bele hakanek ema, ita-nia serbisu kristaun hotu bele sai folin-laek iha Maromak nia oin. Nuneʼe, ita tenke kuidadu duni ho buat neʼebé ita koʼalia, loos ka lae?​—Tiago 3:8-10.