Informasaun atu uza hamutuk livru Moris Kristaun no Haklaken
7-13 OUTUBRU
RIKUSOIN HUSI BÍBLIA | TIAGO 3-5
“Hatudu matenek husi Maromak”
(Tiago 3:17) Maibé matenek husi lalehan, primeiru mak moos, tuirmai buka dame, la ulun-toos, prontu atu halo tuir, nakonu ho laran-sadiʼa no hahalok diʼak, la todan ba sorin no la laran-makerek.
cl-E p. 221-222 par. 9-10
Ita hatudu “matenek husi lalehan” iha Ita-nia moris ka lae?
9 “Primeiru mak moos.” Iha eskritura neʼe, moos katak la iha foʼer, laʼós deʼit iha liʼur, maibé mós iha laran. Bíblia hatudu katak iha ligasaun entre matenek, no ema nia laran, maibé matenek husi lalehan labele tama ba laran neʼebé foʼer ona tanba hanoin, hakarak no motivu neʼebé aat. (Prv 2:10; Mt 15:19, 20) Maibé se ita iha laran neʼebé moos, tuir buat neʼebé ita bele nuʼudar ema la perfeitu, ita sei “sees an husi buat neʼebé aat no halo buat neʼebé diʼak”. (Sal 37:27; Prv 3:7) Ita bele komprende tanbasá hahalok moos mak temi primeiru iha lista kona-ba matenek husi lalehan, tanba se ita la moos iha dalan morál no espirituál, ita la bele haleno hahalok sira seluk.
10 “Tuirmai buka dame.” Matenek husi lalehan book ita atu buka dame, neʼebé mak hahalok ida husi Maromak nia espíritu santu. (Gal 5:22) Ita hakaʼas an atu la estraga dame neʼebé halo Jeová nia povu iha unidade. (Éf 4:3) No se dame lakon iha situasaun ruma, ita koko atu hadiʼa fali. Tanbasá ida-neʼe importante? Bíblia hatete: “Kontinua atu . . . moris iha dame laran. Hodi nuneʼe, Maromak domin no dame nian sei hamutuk ho imi.” (2Ko 13:11) Se ita hakaʼas an atu moris ho dame, Maromak dame nian sei kontinua hamutuk ho ita. Dalan neʼebé ita trata ita-nia maluk Kristaun sira kona kedas ita-nia relasaun ho Jeová.
(Tiago 3:17) Maibé matenek husi lalehan, primeiru mak moos, tuirmai buka dame, la ulun-toos, prontu atu halo tuir, nakonu ho laran-sadiʼa no hahalok diʼak, la todan ba sorin no la laran-makerek.
cl-E p. 223-224 par. 12
Ita hatudu “matenek husi lalehan” iha Ita-nia moris ka lae?
12 “La ulun-toos.” La ulun-toos katak sá? Tuir matenek-naʼin sira, liafuan Gregu neʼebé tradús nuʼudar “la ulun-toos” iha Tiago 3:17 susar atu tradús ba língua seluk. Tradutór sira uza liafuan hanesan “laran-maus”, “pasiénsia”, no “hanoin ema”. Nota-rodapé iha Tradusaun Mundu Foun dehan katak ninia signifika mak “prontu atu simu ema seluk nia hanoin”. Oinsá mak ita bele hatudu katak ita haleno hahalok neʼe?
cl-E p. 224-225 par. 14-15
Ita hatudu “matenek husi lalehan” iha Ita-nia moris ka lae?
14 “Prontu atu halo tuir.” Liafuan Gregu neʼebé tradús nuʼudar “prontu atu halo tuir” labele hetan iha parte seluk iha Eskritura Lian Gregu. Tuir matenek-naʼin ida, liafuan neʼe baibain uza atu refere ba dalan neʼebé soldadu sira halo tuir. Liafuan neʼe fó ideia kona-ba “fasil atu troka hanoin” no “hakruʼuk an”. Ema neʼebé husik matenek husi lalehan dirije nia, prontu atu hakruʼuk an ba buat neʼebé eskritura sira haruka. Nia laʼós ema neʼebé deside kona-ba buat ruma, no lakohi troka ninia hanoin maski iha evidénsia neʼebé hatudu katak ninia hanoin mak sala. Maibé, nia prontu atu troka ninia hanoin bainhira nia haree evidénsia husi Bíblia katak nia mak sala. Ita mak ema hanesan neʼe ka lae?
“Nakonu ho laran-sadiʼa no hahalok diʼak”
15 “Nakonu ho laran-sadiʼa no hahalok diʼak.” Laran-sadiʼa mak parte importante husi matenek neʼebé husi lalehan, tanba Bíblia dehan katak matenek neʼe mak “nakonu ho laran-sadiʼa”. Ita haree katak “laran-sadiʼa no hahalok diʼak” temi hamutuk. Baibain iha Bíblia, laran-sadiʼa koʼalia kona-ba hanoin ema seluk toʼo halo hahalok diʼak. Referénsia ida hatete katak laran-sadiʼa mak “sente triste kona-ba ema ida nia situasaun, no koko atu halo buat ruma”. Nuneʼe, matenek husi Maromak mak laʼós buat neʼebé la iha folin, maibé neʼe mak buat neʼebé furak duni. Oinsá mak ita bele hatudu katak ita nakonu ho laran-sadiʼa?
(Tiago 3:17) Maibé matenek husi lalehan, primeiru mak moos, tuirmai buka dame, la ulun-toos, prontu atu halo tuir, nakonu ho laran-sadiʼa no hahalok diʼak, la todan ba sorin no la laran-makerek.
cl-E p. 226-227 par. 18-19
Ita hatudu “matenek husi lalehan” iha Ita-nia moris ka lae?
18 “La todan ba sorin.” Matenek husi lalehan manán hasoru diskriminasaun kona-ba rasa no foti an kona-ba nasaun. Se matenek neʼe mak dirije ita, ita hakaʼas an atu la todan ba sorin. (Tgo 2:9) Porezemplu, ita la haree ema ida espesiál liu tan deʼit ninia edukasaun, rikusoin, ka responsabilidade sira iha kongregasaun; no ita mós labele haree ema la diʼak tan deʼit nia kiak. Se Jeová hadomi sira, ita mós sei hadomi sira.
19 “La laran-makerek.” Liafuan Gregu neʼebé tradús nuʼudar “laran-makerek” bele refere ba atór ida neʼebé finje sai ema seluk. Iha tempu uluk, atór Gregu no Roma uza máskara bainhira finje sai ema seluk. Tan neʼe, liafuan Gregu ba “laran-makerek” ikusmai iha signifika kona-ba ema neʼebé finje sai ema seluk ka lohi ema. Ida-neʼe kona dalan neʼebé ita trata maluk Kristaun sira, no mós oinsá ita-nia hanoin kona-ba sira.
Keʼe no hetan buat murak husi Bíblia
(Tiago 4:5) Eskritura dehan: “Ita-nia laran book ita atu sai laran-moras hodi kaan buat oioin.” Entaun, imi hanoin katak eskritura hatete nuneʼe la ho razaun ka?
w08-E 11/15 p. 20 par. 6
Pontu importante husi Tiago no Pedro nia karta sira
4:5—Tiago refere ba eskritura saida? Tiago la refere ba eskritura espesífiku ruma. Maibé liafuan sira-neʼe hakerek iha Bíblia no karik bazeia ba ideia husi eskritura sira hanesan Génesis 6:5; 8:21; Provérbios 21:10; Galásia 5:17.
(Tiago 4:11, 12) Maun-alin sira, labele koʼalia kontra malu tan. Ema neʼebé koʼalia kontra ninia maun-alin ka tesi-lia ba ninia maun-alin, ema neʼe koʼalia kontra ukun-fuan no tesi-lia kona-ba ukun-fuan. Agora se ó tesi-lia kona-ba ukun-fuan, ó laʼós ema neʼebé halo tuir ukun-fuan, maibé juís ida. 12 Iha ida deʼit mak fó Ukun-Fuan no Juís, nia mak bele salva ema no halakon ema. Maibé kona-ba ó, ó mak sé atu tesi-lia ba ó-nia maluk?
w97-E 11/15 p. 20-21 par. 8
Fiar halo ita hatudu pasiénsia no halo orasaun
8 Sala atu koʼalia kontra ita-nia maluk fiar-naʼin ida. (Tgo 4:11, 12) Maibé iha ema balu neʼebé kritika sira-nia maluk Kristaun sira, karik tanba sente katak sira mak laran-loos liu fali ema seluk ka tanba sira hakarak sente importante liu hodi hatún ema seluk. (Sal 50:20; Prv 3:29) Liafuan Gregu neʼebé tradús nuʼudar ‘koʼalia kontra’ fó ideia kona-ba odi no kona-ba duun matak ema. Neʼe hanesan tesi-lia ba maluk ida iha dalan neʼebé aat. Oinsá mak ida-neʼe ‘koʼalia kontra ukun-fuan no tesi-lia kona-ba ukun-fuan’? Ema Farizeu no eskriba balu ‘ho matenek buka dalan atu la halo tuir Maromak nia mandamentu’ no sira tesi-lia tuir sira rasik nia hanoin. (Mc 7:1-13) Hanesan neʼe mós, se ita tesi-lia ba ita-nia maluk neʼebé Jeová la tesi-lia, neʼe katak ita ‘tesi-lia kona-ba Maromak nia ukun-fuan’ no hatete katak Maromak nia ukun-fuan neʼe la diʼak. No se ita kritika ita-nia maluk la ho justisa, ita la kumpre ukun-fuan kona-ba domin.—Rom 13:8-10.
TREINU KONA-BA HAKLAKEN
Maromak hakarak ita atu konfesa ita-nia sala ka lae?
Maromak la fó kbiit ba ema ida atu perdua sala neʼebé kontra nia; Maromak deʼit mak bele fó perdua. Bíblia hatete momoos mai ita: “Se ita konfesa ita-nia sala, Maromak laran-metin no loos atu perdua ita-nia sala no atu hamoos ita husi buat la loos hotu.” (1Jo 1:9, Bíblia Sagrada Para o Terceiro Milénio da Encarnação) Maibé, ita tenke konfesa sala ba sé loos?
Tanba Maromak deʼit mak bele fó perdua, ita tenke konfesa sala ba nia. Ida-neʼe mak buat neʼebé David halo, hanesan ita haree tiha ona. Maibé, saida tan mak ema presiza halo atu hetan perdua? Bíblia hatete: “Neʼe duni, hakribi imi sala bá hodi fila hikas ba Naʼi atu imi-nia sala bele hetan perdua.” (Aps 3:19) Sin, atu ita bele hetan perdua ita presiza simu katak ita halo sala no konfesa sala neʼe ba Maromak, no mós ita labele halo sala neʼe fali. Maski dala ruma susar atu la halo sala neʼe fali, maibé ita bele hetan ajuda.
Hanoin-hetan dixípulu Tiago nia liafuan neʼebé temi uluk: “Imi konfesa imi-nia sala ba malu, no reza ba malu atu imi hetan isin-diʼak.” Tiago hatutan tan: “Ema diʼak nia orasaun makaʼas tebetebes.” (Tgo 5:16) “Ema diʼak” neʼebé Tiago temi neʼe inklui “katuas kreda nian”, hanesan nia hatete iha versíkulu 14. Iha kongregasaun kristaun, iha ema neʼebé simu knaar atu serbí nuʼudar “katuas” neʼebé bele ajuda ema neʼebé hakarak hetan perdua husi Maromak. “Katuas” sira-neʼe la bele fó perdua ka taka ema nia sala, tanba la iha ema ida neʼebé iha kbiit atu fó perdua ba sala neʼebé nia maluk halo kontra Maromak. Maibé, tanba katuas sira kumpre kritériu husi Bíblia, sira iha kbiit atu fó dixiplina neʼebé ajuda ema neʼebé halo sala boot atu fila fali ba dalan loos. Katuas sira ajuda ema atu rekoñese katak ninia sala sériu tebes no presiza hakribi sala.—Gal 6:1.
Tanbasá fó sai ita-nia sala?
Maski sala ruma neʼebé ema halo boot ka kiʼik, ida-neʼe bele halo ninia relasaun ho nia maluk no ho Maromak laʼo la diʼak. Nuneʼe, nia bele sente laran-susar no hanoin barak. Nia sente hanesan neʼe tanba ninia konxiénsia ka laran neʼebé Maromak fó mai ita ida-idak mak book nia. (Rom 2:14, 15) Se nuneʼe, saida mak nia bele halo?
Se ita haree fila fali ba eskritura iha Tiago, ita bele lee liafuan tuirmai neʼe: “Imi ida moras? Nia sei bolu katuas kreda nian bá; sira sei reza ba nia, [“sei kose nia ho mina iha Naʼi nia naran”, Bíblia Sagrada Para o Terceiro Milénio da Encarnação], no nia halo sala karik, nia sei hetan perdua.”—Tgo 5:14, 15.
Ida-neʼe hatudu katak sira neʼebé serbí nuʼudar katuas tau matan ba ema iha kongregasaun laran. Oinsá? Laʼós deʼit hodi rona ema fó sai sira-nia sala, maibé katuas sira mós presiza ajuda sira neʼebé sente “moras” tanba halo sala, atu sira bele sai diʼak fali. Tiago hatudu katak iha buat rua neʼebé katuas sira bele halo.
Primeiru, katuas sira ‘kose ho mina’. Ida-neʼe kona-ba kbiit neʼebé Maromak nia Liafuan iha atu kura. Apóstolu Paulo esplika katak “Maromak nia liafuan moris no book makaʼas . . . no bele hatene loloos buat neʼebé ema hanoin no hakarak iha nia fuan”. (Ebr 4:12) Hodi uza Bíblia ho matenek, katuas sira bele ajuda ema neʼebé halo sala atu hatene saida mak halo problema mosu no saida mak sira presiza halo atu halo diʼak fali sira-nia relasaun ho Maromak.
Katuas sira mós “reza” ba ema neʼebé halo sala. Maski katuas sira-nia orasaun la troka dalan neʼebé Maromak halaʼo ninia justisa, maibé orasaun sira-neʼe importante tebes ba Maromak, neʼebé hakarak fó perdua ba sala liuhusi Kristu nia sakrifísiu. (1Jo 2:2) Maromak prontu atu ajuda ema naran deʼit neʼebé loloos hakribi sala no neʼebé “halo hahalok neʼebé hatudu katak [nia] hakribi duni sala”.—Aps 26:20.
Razaun importante liu hotu atu ita fó sai ita-nia sala mak atu hetan relasaun diʼak fali ho Maromak no atu Nia bele simu ita. Jesus Kristu hatudu katak ulukliu ita presiza rezolve problema ruma ho ita-nia maluk no hadame malu atu ita bele adora Maromak ho laran neʼebé moos. (Mt 5:23, 24) Provérbios 28:13 hatete: “Ema neʼebé taka nia sala sei la hetan diʼak, maibé ema neʼebé dehan sai no husik nia sala sei simu laran-sadiʼa.” Kuandu ita hatudu haraik-an iha Maromak Jeová nia oin no husu nia atu perdua ita, Maromak sei simu ita no iha tempu loloos nia sei foti ita hodi fó bensaun mai ita.—1Pe 5:6.
14-20 OUTUBRU
RIKUSOIN HUSI BÍBLIA | 1 PEDRO 1-2
“Imi tenkesér santu”
(1 Pedro 1:14, 15) Nuʼudar oan neʼebé halo tuir Maromak, labele hatudu tan hahalok neʼebé tuir imi-nia hakarak aat neʼebé uluk imi iha bainhira imi seidauk hatene Maromak, 15 maibé imi-nia hahalok hotu tenke santu hanesan Maromak Santu neʼebé bolu imi,
Jesus nia sakrifísiu—Prezente furak husi Aman Jeová
5 Oinsá mak ita bele hatudu katak ita hadomi Jeová nia naran? Liuhusi ita-nia hahalok. Jeová hakarak ita atu sai santu. (Lee 1 Pedro 1:15, 16.) Neʼe katak ita adora nia mesak deʼit no halo tuir nia ho laran tomak. Maski hetan terus, ita hakarak kontinua moris tuir Jeová nia lei no ukun-fuan sira. Ita bele fó glória ba Jeová nia naran liuhusi hatudu hahalok neʼebé loos. (Mt 5:14-16) Hodi halo nuneʼe, ita hatudu katak Jeová nia ukun-fuan sira mak diʼak no lia neʼebé Satanás duun kona-ba Jeová mak laloos. Tanba ita mak ema sala-naʼin, tan neʼe dala ruma ita halo sala. Maibé ita presiza arrepende an no hakaʼas an atu la hatudu tan hahalok sira neʼebé hafoʼer Jeová nia naran.—Sal 79:9.
(1 Pedro 1:16) tanba hakerek nanis ona: “Imi tenkesér santu, tanba haʼu santu.”
Hili atividade halimar nian neʼebé diʼak
6 Paulo fó avizu ba ema kristaun iha Roma: “Keta saran imi-nia isin nia liman ain ba sala.” Paulo mós fó-hatene ba sira atu ‘oho sira-nia isin nia hahalok’. (Rom 6:12-14; 8:13) Antes ida-neʼe, Paulo fó ezemplu balun kona-ba “isin nia hahalok”. Kona-ba ema sala-naʼin nia hatete: “Sira-nia ibun nakonu [ho] malisan.” “Sira-nia ain lalais atu fakar raan.” Iha sira-nia “[“matan”, MF] sira la taʼuk Maromak”. (Rom 3:13-18) Ema kristaun ida sei hafoʼer nia isin se nia uza parte isin nian hanesan “liman ain” atu halo hahalok sala. Porezemplu, karik ema kristaun ida ohin loron hili atu haree buat neʼebé aat tebes hanesan pornografia ka filme neʼebé hatudu ema neʼebé kontente atu fó-terus ba ema seluk. Se nia halo ida-neʼe, nia “saran [nia matan] ba sala”, entaun nia hafoʼer nia isin tomak. Saida deʼit neʼebé nia halo iha nia adorasaun ba Maromak mak hanesan sakrifísiu neʼebé lamoos, la santu no Maromak sei la simu. (Deu 15:21; 1Pe 1:14-16; 2Pe 3:11) Loos duni, hili atividade neʼebé aat lori rezultadu neʼebé aat!
Keʼe no hetan buat murak husi Bíblia
(1 Pedro 1:10-12) Profeta sira neʼebé fó sai nanis kona-ba Maromak nia laran-diʼak boot neʼebé nia hatudu ba imi, sira husu ho badinas no buka-hatene kona-ba salvasaun neʼe. 11 Antes neʼe, Maromak uza ninia espíritu atu fó-hatene sira katak Kristu sei hetan terus, no tuirmai hetan glória. Tan neʼe mak sira kontinua buka-hatene kona-ba saida mak sei akontese ba Kristu no bainhira mak buat sira-neʼe sei akontese. 12 Maromak hatudu sai ba sira katak sira laʼós serbí sira-nia an rasik, maibé serbí imi. Tanba profeta sira hakerek kona-ba buat neʼebé agora fó sai ona ba imi, no imi rona ida-neʼe liuhusi sira neʼebé haklaken liafuan diʼak ba imi ho ajuda husi espíritu santu neʼebé haruka mai husi lalehan. Anju sira mós hakarak buka-hatene kona-ba buat sira-neʼe.
w08-E 11/15 p. 21 par. 10
Pontu importante husi Tiago no Pedro nia karta sira
1:10-12. Anju sira hakarak hatene no komprende lia-loos kleʼan neʼebé Maromak nia profeta sira iha tempu uluk hakerek kona-ba kongregasaun Kristaun. Maibé buat sira-neʼe sai klaru bainhira kongregasaun Kristaun komesa hahú. (Éf 3:10) Ita mós hakarak halo tuir anju sira no hakaʼas an atu buka-hatene “buat kleʼan husi Maromak” ka lae?—1Ko 2:10.
(1 Pedro 2:25) Tanba uluk imi mak hanesan bibi-malae neʼebé laʼo sala dalan, maibé agora imi fila fali ona ba bibi-atan no ida neʼebé tau matan ba imi-nia moris.
it-2-E p. 565 par. 3
Ida neʼebé tau matan
Ida neʼebé tau matan no iha pozisaun boot liu. Primeiru Pedro 2:25 temi liafuan husi Isaias 53:6 kona-ba sira neʼebé hanesan “bibi-malae neʼebé laʼo sala dalan”, depois Pedro dehan: “Maibé agora imi fila fali ona ba bibi-atan no ida neʼebé tau matan ba imi-nia moris.” Ita bele fiar katak ida-neʼe refere ba Maromak Jeová tanba ema neʼebé simu Paulo nia karta la laʼo sees husi Jesus Kristu maibé, tuir loloos, liuhusi Jesus mak sira fila fali ba Jeová neʼebé mak nuʼudar Bibi-Atan Boot ba ninia povu. (Sal 23:1; 80:1; Jer 23:3; Eze 34:12) Jeová mós sai ida neʼebé tau matan, ida neʼebé halo inspesaun, ka buka-hatene. (Sal 17:3) Inspesaun (liafuan Gregu, episkopé) bele refere ba Maromak nia tesi-lia sira, hanesan iha apóstolu sira-nia tempu Maromak “tesi-lia [liafuan Gregu, episkopés]” ba ema iha Jeruzalein maibé sira la hatene kona-ba neʼe. (Lc 19:44) Inspesaun neʼebé Jeová halo mós bele lori benefísiu, hanesan lori benefísiu ba sira neʼebé hahiʼi Maromak iha tempu neʼebé nia mai atu haree didiʼak ema [liafuan Gregu, episkopés].”—1Pe 2:12.
21-27 OUTUBRU
RIKUSOIN HUSI BÍBLIA | 1 PEDRO 3-5
“Buat hotu nia rohan besik daudaun ona”
(1 Pedro 4:7) Maibé buat hotu nia rohan besik daudaun ona. Tan neʼe, iha hanoin neʼebé loos bá, no matan-moris bá atu harohan.
“Matan-moris bá atu harohan”
MANE ida neʼebé serbisu durante kalan hatete: “Tempu neʼebé susar liu atu matan-moris mak foin antes madrugada.” Karik ema seluk neʼebé serbisu iha kalan mós sente hanesan mane neʼe. Ita bele kompara ida-neʼe ho ita-nia tempu ohin loron. Ita moris iha parte ikus husi Satanás nia mundu. Tempu neʼe hanesan kalan neʼebé nakukun liu no ema kristaun sira presiza hakaʼas an atu la toba-dukur. (Rom 13:12) Se ita toba-dukur iha dalan espirituál, neʼe perigu tebetebes. Tan neʼe, ita presiza duni iha “hanoin neʼebé loos” no kontinua atu ‘matan-moris atu harohan’.—1Pe 4:7, MF.
(1 Pedro 4:8) Buat neʼebé importante liu mak imi tenke hadomi malu tebetebes, tanba ema neʼebé iha domin, sempre prontu atu fó perdua ba sala barak.
w99-E 4/15 p. 22 par. 3
Oinsá atu hatene no prevene fraku espirituál oioin
Ikusmai, hanoin didiʼak kona-ba konsellu husi apóstolu Pedro neʼebé hatete: “Maibé buat hotu nia rohan besik daudaun ona. Tan neʼe, iha hanoin neʼebé loos bá, no matan-moris bá atu harohan. Buat neʼebé importante liu mak imi tenke hadomi malu tebetebes, tanba ema neʼebé iha domin, sempre prontu atu fó perdua ba sala barak.” (1Pe 4:7, 8) Fasil deʼit atu husik ema seluk nia fraku ka ita-nia fraku atu book ita-nia laran no hanoin hodi sai hanesan fatuk sidi ba ita. Satanás hatene didiʼak ida-neʼe. Ninia planu neʼebé aat mak atu hafahe ita hodi bele kontrola ita. Tan neʼe, ita presiza taka sala hanesan neʼe ho domin neʼebé loos ba malu no la “fó oportunidade ba Diabu”.—Éf 4:25-27.
(1 Pedro 4:9) Simu malu ho laran-diʼak hodi la muramura.
Presiza tebes atu hatudu laran-diʼak hodi simu malu
2 Buat ida neʼebé Pedro hakarak irmaun-irmán sira halo mak hodi “hatudu laran-diʼak ba malu”. (1Pe 4:9) Liafuan gregu “hatudu laran-diʼak” signifika “hadomi ema estranjeiru sira”. Maibé Pedro hakarak irmaun-irmán sira atu hatudu laran-diʼak “ba malu”, maski sira hatene malu didiʼak ona no sempre halo atividade ruma hamutuk. Oinsá mak hatudu laran-diʼak ba malu bele ajuda sira?
3 Neʼe bele halo sira hakbesik malu liután. Oinsá ho Ita? Ita sei hanoin-hetan tempu furak neʼebé Ita sente bainhira ema ida konvida Ita ba Keʼe no hetan buat murak husi Bíblia ninia uma ka lae? Bainhira Ita konvida ema ida ba Ita-nia uma, neʼe halo Ita hakbesik liután ba malu. Dalan ida atu koñese liután ita-nia irmaun-irmán sira mak simu no hatudu laran-diʼak ba sira. Ema kristaun sira iha Pedro nia tempu presiza hakbesik liután ba malu tanba problema aumenta barak iha tempu neʼebá. Iha “loron ikus sira-neʼe” ita mós presiza halo hanesan.—2Tim 3:1.
Keʼe no hetan buat murak husi Bíblia
(1 Pedro 3:19, 20) No nuʼudar espíritu, nia bá haklaken ba anju sira neʼebé iha dadur laran, 20 neʼebé uluk kontra Maromak kuandu Maromak hein ho pasiénsia iha Noé nia tempu. Iha tempu neʼebá Noé harii daudaun ró boot, no ho ró neʼe mak ema uitoan deʼit, katak ema naʼin-ualu mak hetan salvasaun liuhusi bee bainhira rai-nabeen.
Pergunta husi lee-naʼin
Bíblia hatete katak Jesus “haklaken ba anju aat sira iha dadur laran”. (1Pe 3:19, MF) Neʼe katak sá?
▪ Apóstolu Pedro hatudu katak anju aat sira-neʼe mak anju sira neʼebé “uluk lakohi rona, . . . iha Noé nia loron, wainhira . . . Maromak hatudu pasiénsia barak”. (1Pe 3:20) Klaru katak Pedro koʼalia kona-ba anju sira neʼebé hili atu hamutuk ho Satanás hodi kontra hasoru Maromak. Livru Judas mós hatete kona-ba “anju sira neʼebé lakon sira-nia kmanek maibé husik sira-nia kadunan” no hatete katak “Maromak kaer sira ho korrente ba nafatin iha nakukun laran, atu simu justisa iha loron boot”.—Jud 6.
Hodi halo saida deʼit mak anju aat sira kontra hasoru Maromak iha Noé nia tempu? Antes Rai-Nabeen, sira mai toʼo rai no troka sira-nia isin-lolon sai fali ema hodi kontra Maromak nia hakarak. (Gén 6:2, 4) Liután neʼe, sira mós halo hahalok foʼer oioin hodi halo relasaun seksuál ho feto sira. Maromak la kria anju sira atu halo relasaun seksuál ho feto iha rai. (Gén 5:2) Tan neʼe, Maromak hakotu lia atu halakon anju sira-neʼe iha tempu neʼebé loos. Maibé toʼo tempu neʼebá, sira iha “nakukun laran”, ka dadur laran iha dalan espirituál.
Maibé oinsá no bainhira mak Jesus haklaken ba “anju aat sira iha dadur laran”? Pedro hatete katak Jesus halo nuneʼe depois “Maromak halo nia moris iha espíritu”. (1Pe 3:18, 19, MF) Pedro nia liafuan mós hatudu katak bainhira nia hakerek ninia karta primeiru neʼe, Jesus haklaken ona ba anju aat sira. Ida-neʼe hatudu katak karik depois Jesus moris hiʼas fali, nia fó avizu kona-ba kastigu neʼebé sira sei hetan, laʼós “haklaken” hodi lori esperansa ba sira. (Jon 1:1, 2) Jesus fiar metin toʼo mate no depois hetan moris-hiʼas, ida-neʼe hatudu katak Diabu la iha ona kbiit ba nia. Tan neʼe, Jesus iha direitu atu fó sai avizu kastigu nian hanesan neʼe.—Jo 14:30; 16:8-11.
Iha futuru, Jesus sei kaer Satanás no anju aat sira hodi kesi ho korrente no soe tun ba “rai-kleʼan”. (Lc 8:30, 31, MF; Apk 20:1-3, MF) Toʼo tempu neʼebá, Satanás no anju aat sira sei iha nakukun laran no hein ba tempu neʼebé Maromak sei halakon sira ba nafatin.—Apk 20:7-10.
(1 Pedro 4:6) Tuir loloos, tanba razaun neʼe mak liafuan diʼak neʼe mós fó sai ona ba ema mate sira, atu nuneʼe, maski sira hetan tesi-lia iha isin tuir ema nia hanoin, maibé sira bele moris hodi tuir Maromak nia espíritu no tuir Maromak nia hanoin.
w08-E 11/15 p. 21 par. 8
Pontu importante husi Tiago no Pedro nia karta sira
4:6—Sé mak ema mate sira neʼebé rona liafuan diʼak? Sira mak ema sira neʼebé ‘mate ona tanba sira-nia hahalok kontra no sala sira’, ka neʼebé mate ona iha dalan espirituál, antes sira rona liafuan diʼak. (Éf 2:1) Maibé depois rona tiha kona-ba liafuan diʼak, sira komesa “moris” iha dalan espirituál.
28 OUTUBRU–3 NOVEMBRU
RIKUSOIN HUSI BÍBLIA | 2 PEDRO 1-3
“Hanoin-hetan nafatin kona-ba Jeová nia loron neʼebé atu mai”
(2 Pedro 3:9, 10) Jeová la demora atu kumpre ninia promesa, hanesan ema balu hanoin katak nia demora, maibé nia hatudu pasiénsia ba imi tanba nia lakohi ema ida lakon maibé nia hakarak ema hotu atu arrepende sala. 10 Jeová nia loron sei mai hanesan naʼok-teen ida, iha loron neʼe lalehan sei lakon derrepente deʼit ho tarutu makaʼas, maibé buat sira neʼebé iha lalehan no rai sei nabeen tanba manas makaʼas, no rai ho buat neʼebé iha rai sei hatudu sai tiha.
w06-E 12/15 p. 27 par. 11
Jeová sei “halo sira hetan duni justisa”
11 Oinsá mak ita bele komprende kona-ba Jesus nia liafuan katak Maromak Jeová sei halaʼo ninia “justisa lalais”? Maromak nia Liafuan hatudu katak maski Jeová hatudu duni pasiénsia, maibé nia sei halaʼo lalais ninia justisa bainhira tempu toʼo ona. (Lc 18:7, 8; 2Pe 3:9, 10) Iha Noé nia tempu, bainhira Rai-Nabeen akontese, Maromak la demora atu halakon ema aat sira. Hanesan neʼe mós iha Lot nia tempu, bainhira ahi tun husi lalehan ema aat sira mate hotu. Jesus hatete: “Ida-neʼe mós sei akontese iha loron neʼebé Oan-Mane husi Ema hatudu nia an.” (Lc 17:27-30) Dala ida tan ema aat “sei lakon derrepente deʼit”. (1Te 5:2, 3) Ita bele fiar metin katak bainhira tempu toʼo ona atu halaʼo justisa, Jeová sei la husik Satanás nia mundu atu kontinua iha maski ba loron ida deʼit.
(2 Pedro 3:11, 12) Tanba buat sira-neʼe hotu sei lakon iha dalan hanesan neʼe, imi hanoin didiʼak bá imi tenke sai ema hanesan saida. Imi tenke hatudu hahalok santu no laran-metin ba Maromak, 12 nuʼudar imi hein no hanoin-hetan nafatin kona-ba Jeová nia loron neʼebé atu mai. Iha loron neʼebá lalehan sei halakon tiha iha ahi, no buat sira iha lalehan no rai sei nabeen tanba manas makaʼas.
w06-E 12/15 p. 19 par. 18
“Jeová nia loron boot besik ona”
18 Oinsá mak ita bele “hein no hanoin-hetan nafatin kona-ba Jeová nia loron neʼebé atu mai”, hanesan apóstolu Paulo haruka? Dalan ida mak hodi halo “hahalok santu no laran-metin ba Maromak”. (2Pe 3:11, 12) Hodi sai okupadu halo atividade sira-neʼe sei ajuda ita atu hein “Jeová nia loron”. Liafuan Gregu neʼebé tradús nuʼudar “hanoin-hetan nafatin” signifika katak “halo mai lalais”. Maski ita labele halo Jeová nia loron mai lalais, maibé nuʼudar ita hein ba loron neʼe, ita sei sente tempu liu lalais se ita sempre okupadu hodi halo Jeová nia serbisu.—1Ko 15:58.
Keʼe no hetan buat murak husi Bíblia
(2 Pedro 1:19) Tan neʼe, ita-nia fiar ba profeta sira-nia liafuan sai metin liután, no imi halo buat neʼebé diʼak tanba imi hanoin didiʼak kona-ba neʼe. Liafuan sira-neʼe hanesan ahi-oan neʼebé fó naroman ba fatin nakukun neʼebé iha imi-nia laran, toʼo rai naroman no fitun dadeer nian mosu.
w08-E 11/15 p. 22 par. 2
Pontu importante husi Tiago no Pedro nia karta sira
1:19—Sé mak “fitun dadeer nian”, horibainhira mak nia mosu, no oinsá mak ita hatene ida-neʼe akontese ona? “Fitun dadeer nian” mak Jesus Kristu nuʼudar Liurai ba Maromak nia Ukun. (Apk 22:16) Iha 1914, Jesus “mosu” nuʼudar Liurai no neʼe hahú períodu foun. Bainhira Jesus nakfila an iha apóstolu sira-nia oin, neʼe fó sai kona-ba glória no kbiit neʼebé Jesus sei simu iha futuru nuʼudar Liurai ba Maromak nia Ukun no hatudu katak ita bele fiar metin ba profeta sira-nia liafuan. Hanoin didiʼak kona-ba liafuan sira-neʼe fó naroman ba ita-nia laran, ka, ajuda ita atu komprende, no tan neʼe ita bele hatene katak fitun dadeer nian mosu ona.
(2 Pedro 2:4) Tuir loloos, Maromak la dada an atu fó kastigu ba anju sira neʼebé halo sala, maibé nia soe sira ba Tártaro, no kesi sira ho korrente iha nakukun laran no sira hein atu hetan tesi-lia.
w08-E 11/15 p. 22 par. 3
Pontu importante husi Tiago no Pedro nia karta sira
2:4—Saida mak “Tártaro,” no horibainhira mak anju aat sira soe ba neʼebá? Tártaro mak kondisaun hanesan komarka ida ba anju aat sira, laʼós ba ema. Anju aat sira-neʼe nia kondisaun mak nakukun tebes tanba Maromak taka sira-nia hanoin kona-ba ninia hakarak. Sira neʼebé iha Tártaro la iha esperansa ba futuru. Maromak soe anju aat sira ba Tártaro iha Noé nia tempu, no sira sei iha kondisaun hanesan neʼe toʼo sira lakon ba nafatin.