Kalendáriu ba tinan 2011 fó sai katak importante atu halaʼo Adorasaun Família nian
Tema ba Testemuña ba Jeová nia Kalendáriu ba tinan 2011 mak Adorasaun Família nian. Iha kalendáriu neʼe ita bele haree família sira ohin loron no família sira iha tempu Bíblia nian. Ita mós bele haree Maromak nia atan sira neʼebé kaben-naʼin no klosan neʼebé estuda ninia Liafuan.
Ema iha tempu Bíblia nian neʼebé hatudu iha kalendáriu neʼe, gosta tebes atu aprende Maromak Jeová nia ukun-fuan sira, no ida-neʼe importante tanba bele ajuda sira hasoru problema iha sira-nia moris. (Sal 1:2, 3) Nuʼudar ita haree didiʼak dezeñu ida-idak, ida-neʼe sei fó-hanoin ita katak importante duni atu halaʼo Adorasaun Família nian, maski ita-nia família mak boot ka kiʼik, ema hotu iha lia-loos ka laʼós. Iha kalendáriu neʼe Ita bele hakerek loron sá mak Ita hili ba Ita-nia família atu halaʼo Adorasaun Família nian. Ita hili tiha ona loron?