MORIS NUʼUDAR EMA KRISTAUN

Aumenta ita-nia matenek iha serbisu haklaken—Husu pergunta ho matenek

TANBASÁ IMPORTANTE: Se “ema nia hanoin iha ninia laran mak hanesan bee-posu neʼebé kleʼan”, entaun pergunta mak hanesan knaban ida atu dada sai hanoin sira-neʼe. (Prv 20:5) Diʼak atu husu pergunta hodi envolve ita-nia rona-naʼin. Rona-naʼin nia resposta sira bele ajuda ita atu komprende ninia hanoin. Jesus uza pergunta sira ho matenek. Oinsá mak ita bele halo tuir nia?

Jesus husu pergunta ba ninia dixípulu ida

OINSÁ ATU HALO IDA-NEʼE:

Husu pergunta atu hatene ema nia hanoin. Jesus husu pergunta sira hodi bele hatene ninia dixípulu sira iha hanoin oinsá. (Mt 16:13-16; be p. 238 par. 3-5) Karik Ita bele husu pergunta hanesan saida?
Husu pergunta atu ajuda ema hetan resposta neʼebé loos. Atu bele korrije Pedro nia hanoin, Jesus husu pergunta balu ba nia hodi Pedro hetan resposta neʼebé loos. (Mt 17:24-26) Pergunta hanesan saida mak Ita bele husu atu ajuda rona-naʼin hetan resposta neʼebé loos?
Gaba rona-naʼin. Bainhira eskriba ida “hatán ho matenek”, Jesus gaba nia. (Mc 12:34) Oinsá mak Ita bele gaba ema neʼebé hatán ba Ita-nia pergunta?

HAREE PARTE PRIMEIRU HUSI VÍDEO HALAʼO SERBISU NEʼEBÉ JESUS HALO—HANORIN, DEPOIS HATÁN BA PERGUNTA SIRA TUIRMAI NEʼE:

Tanbasá mak neʼe laʼós ezemplu neʼebé diʼak atu hanorin, maski informasaun la sala?
Tanbasá latoʼo atu esplika deʼit informasaun?

HAREE PARTE SEGUNDU HUSI VÍDEO HALAʼO SERBISU NEʼEBÉ JESUS HALO—HANORIN, DEPOIS HATÁN BA PERGUNTA SIRA TUIRMAI NEʼE:

Oinsá mak irmaun neʼe uza pergunta ho matenek?
Saida tan mak ita bele aprende husi nia kona-ba hanorin?

Mane ida sente susar atu komprende tanba irmaun hanorin nia iha dalan neʼebé ladiʼak; mane ida komprende lia-loos tanba irmaun hanorin nia ho matenek — Ita-nia hanorin halo ema sente oinsá? (Lc 24:32)