Introdusaun kona-ba Maromak nia Liafuan

Bíblia fó sai Maromak nia mensajen ba ita ohin loron. Bíblia hatudu oinsá mak ita bele moris kontente no oinsá mak ita bele halo kontente Maromak. Bíblia mós fó resposta ba pergunta sira tuirmai:

1 Maromak mak sé?
2 Oinsá mak ita bele aprende kona-ba Maromak?
3 Sé mak hakerek Bíblia?
4 Bíblia no siénsia apoia malu ka lae?
5 Bíblia fó sai mensajen saida?
6 Bíblia fó sai profesia saida kona-ba Mesias?
7 Bíblia fó sai profesia saida kona-ba ita-nia tempu?
8 Terus mai husi Maromak ka lae?
9 Tanbasá mak ema hetan terus?
10 Bíblia promete saida kona-ba futuru?
11 Saida mak akontese kuandu ema mate?
12 Esperansa ba ema neʼebé mate ona mak saida?
13 Bíblia dehan saida kona-ba serbisu?
14 Oinsá mak ita bele uza didiʼak ita-nia osan no sasán?
15 Oinsá mak ita bele moris kontente?
16 Oinsá mak ita bele tahan hasoru susar?
17 Oinsá mak Bíblia bele ajuda ita-nia família?
18 Oinsá mak ita bele hakbesik ba Maromak?
19 Bíblia iha informasaun saida deʼit?
20 Oinsá mak ita bele hetan benefísiu husi Bíblia?

OINSÁ ATU HETAN ESKRITURA SIRA IHA BÍBLIA LARAN

Iha Bíblia laran iha livru hamutuk 66. Bíblia iha parte rua: Eskritura Lian Ebraiku (“Testamentu Tuan”) no Eskritura Lian Gregu (“Testamentu Foun”). Livru ida-idak fahe ba kapítulu no versíkulu sira. Kuandu hakerek eskritura ruma, baibain hakerek uluk naran ba livru iha Bíblia no tuirmai númeru ba kapítulu, no ikusmai mak númeru ba versíkulu sira. Porezemplu, Génesis 1:1, neʼe katak livru Génesis kapítulu 1, versíkulu 1.