Milford Sound
NASAUN NO POVU
Vizita ba rai-Novazelándia
MAIZUMENUS tinan 800 liubá, ema Maori halo viajen kilómetru rihun ba rihun hodi uza ró husi illa sira iha Polinézia no ikusmai toʼo iha rai-Novazelándia. Fatin foun neʼebé sira bá, iha foho barak, mota jelu barak, jelu-rahun tun, no mós iha bee-matan barak neʼebé manas. Neʼe la hanesan duni ho fatin uluk neʼebé sira hela bá neʼebé iha klima manas. Maizumenus tinan 500 liutiha, ema husi Europa mós bá rai-Novazelándia. Ohin loron, ema Novazelandés iha kostume Anglo-Saksaun no mós Polinéziu. No maizumenus porsentu 90 husi populasaun rai-Novazelándia hela iha sidade sira. Rai-Novazelándia nia sidade kapitál mak Wellington.
Tahu nakali iha Illa Norte
Tinan-tinan, ema naʼin-millaun tolu bá vizita rai-Novazelándia atu haree fatin furak sira no mós sira-nia kultura.
Cyathea dealbata mak ai-horis oin ida neʼebé bele aas toʼo metru 10 liu
Toʼo tinan 1948, ema hanoin katak manu takahe lakon mohu ona
Iha rai-Novazelándia, iha animál barak neʼebé oin seluk tebes. Se kompara ho rai seluk, rai-Novazelándia iha manu barak neʼebé la semo. Iha mós tuatara, animál ida neʼebé haree hanesan ho lafaek rai-maran no bele moris toʼo tinan 100! Animál seluk neʼebé moris iha rai-Novazelándia mak niki, baleia no golfiñu.
Testemuña ba Jeová haklaken iha rai-Novazelándia ba tinan 120 ona. Sira hanorin Bíblia iha língua 19 liu, neʼe inklui língua Niuense, Rarotongan, Samoa, no Tongan.
Ema Maori dansa hodi uza sira-nia roupa tradisionál