Saida mak Bíblia hanorin?

Maromak iha naran ka lae?

EMA BALU DEHAN katak Maromak la iha naran, sira balu tan dehan katak nia naran mak Maromak ka Naʼi, no balu mós dehan katak nia iha naran barak. Oinsá ho Ita-nia hanoin?

SAIDA MAK BÍBLIA HATETE?

“Ita, neʼebé naran Jeová, Ita mesak deʼit mak Maromak Aas Liu Hotu iha mundu tomak.”—Salmo (Mazmur) 83:18.

SAIDA TAN MAK BÍBLIA HANORIN?

• Maski Maromak iha títulu barak, maibé nia iha naran ida deʼit.—Êxodo (Keluaran) 3:15.

• Maromak la subar nia an, maibé nia hakarak atu ema hatene nia.—Apóstolu 17:27.

• Hatene Maromak nia naran mak dalan ida atu bele hakbesik ba nia no sai ninia belun.—Tiago 4:8.

Sala ka lae atu temi Maromak nia naran?

TUIR ITA-NIA HANOIN?

• Sala

• La sala

• Depende

SAIDA MAK BÍBLIA HATETE?

“Imi labele temi imi-nia Maromak Jeová nia naran iha dalan neʼebé la respeitu.” (Êxodo [Keluaran] 20:7) Entaun, sala só deʼit se ita uza Maromak nia naran iha dalan neʼebé la hatudu respeitu.—Jeremias (Yeremia) 29:9.

SAIDA TAN MAK BÍBLIA HANORIN?

• Jesus hatene no uza Maromak nia naran. —João 17:25, 26.

• Maromak konvida ita atu hakbesik nia hodi uza ninia naran.—Salmo (Mazmur) 105:1.

• Maromak nia inimigu koko atu halo ema hotu haluha ninia naran.—Jeremias (Yeremia) 23:27.