Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Outubru

“Ohin loron, ema barak hakarak buka-hatene kona-ba anju sira. Tuir Ita-nia hanoin, anju sira iha duni ka lae? [Hein ba resposta.] Haree toʼok buat neʼebé fó sai iha livru neʼe.” Hatudu Livru Haklaken Outubru–Dezembru ba uma-naʼin no koʼalia hamutuk kona-ba pergunta 1 iha pájina 16, no lee eskritura ida ka liu husi parágrafu. Fó Livru Haklaken ba uma-naʼin no halo planu atu vizita fali hodi koʼalia hamutuk kona-ba pergunta tuirmai.

Livru Haklaken Outubru–Dezembru

“Iha rai barak, ema trata aat no fó-terus ba feto sira. Triste katak dala ruma hanorin husi relijiaun mós hamosu problema neʼe. Tuir Ita-nia hanoin, Maromak hanoin feto sira ka lae? [Hein ba resposta.] Haree toʼok buat neʼebé Bíblia haruka laʼen sira atu halo ba sira-nia feen. [Lee Efeso 5:28, 29.] Livru neʼe fó sai buat neʼebé Bíblia hatete kona-ba Maromak nia hanoin ba feto sira.”

Livru Haklaken Outubru–Dezembru

“Durante loron-boot sira, ema barak hatudu laran-diʼak ba malu. Maibé tuir Ita-nia hanoin, se loroloron ema hatudu laran-diʼak ba malu, situasaun iha mundu neʼe sei sai diʼak liu ka lae? [Hein ba resposta. Tuirmai lee Efeso 4:32.] Livru neʼe koʼalia kona-ba tanbasá importante atu hatudu laran-diʼak no oinsá mak ita bele hatudu ida-neʼe.” Hatudu informasaun neʼebé komesa iha pájina 12.