Talily Soa Nisorate i Matio

1 Ty boke toy, le mirehake miomba ty tantara* i Jesosy Kristy* ana i Davida, ana i Abrahama.

2 I Abrahama niterake i Isaka;

I Isaka niterake i Jakoba;

I Jakoba niterake i Joda naho i rahalahi’e rey;

3 I Joda niterake i Pereza naho i Zera tamy i Tamara;

I Pereza niterake i Hezrona;

I Hezrona niterake i Rama;

4 I Rama niterake i Aminadaba;

I Aminadaba niterake i Nasona;

I Nasona niterake i Salmona;

5 I Salmona niterake i Boaza tamy i Rahaba;

I Boaza niterake i Obeda tamy i Rota;

I Obeda niterake i Jese;

6 I Jese niterake i Davida Mpanjaka;

I Davida niterake i Solomona tamy i valy i Oriay;

7 I Solomona niterake i Rehoboama;

I Rehoboama niterake i Abia;

I Abia niterake i Asa;

8 I Asa niterake i Josafata;

I Josafata niterake i Jorama;

I Jorama niterake i Ozia;

9 I Ozia niterake i Jotama;

I Jotama niterake i Ahaza;

I Ahaza niterake i Hezekia;

10 I Hezekia niterake i Manase;

I Manase niterake i Amona;

I Amona niterake i Josia;

11 I Josia niterake i Jekonia naho i rahalahi’e rey, taloha kede i nanoagne o Jiosio sese-tane ta Babilona agney;

12 Le tamy iareo ta Babilona agney ty niteraha i Jekonia i Sealtiela;

Le i Sealtiela niterake i Zerobabela;

13 I Zerobabela niterake i Abihoda;

I Abihoda niterake i Eliakima;

I Eliakima niterake i Azora;

14 I Azora niterake i Zadoka;

I Zadoka niterake i Akima;

I Akima niterake i Elihoda;

15 I Elihoda niterake i Eleazara;

I Eleazara niterake i Matana;

I Matana niterake i Jakoba;

16 I Jakoba niterake i Josefa, i valy i Mariay. O Maria iohoe ty niterake i Jesosy, i tokavegne tihoe Kristỳ.

17 Ty taranake iaby boake amy i Abrahama hatrake amy i Davida, 14 ty isa’e. Ty taranake boake amy i Davida hatrake amy ty nanoagne o Jiosio sese-tane ta Babilona agne, 14 ty isa’e. Ty taranake boake amy ty nanoagne o Jiosio sese-tane ta Babilona agne hatrake amy i Kristy, 14 ka ty isa’e.

18 Hoe izao ty fomba niterahagne i Jesosy Kristy: Tagnate i fotoagne nahavaly fofo i Josefa i Mariay, le nivesatse reke noho ty hery ty fagnahy masigne.* Tamy iareo roe mbe tsy niharo tragnoy ty nisia ze raha zay. 19 Faie ndaty maregne ty Josefa, le tsy te hagnafabaraka i Maria. Hafarà’e reke nieretseretse ty hisarake amy i Maria faie tsy hokoihe’e ty fisaraha iareo fa haeta’e avao. 20 Faie naho fa boake nandineke soa ze raha hatao’e zay ty Josefa, le nisy anjely i Jehovah niseho tama’e tamy ty alala ty nofy. Hoe i anjelỳ tama’e: “O Josefa ana i Davida! Ko matahotse rehe ty hangalake i Maria hovali’o naho hinday aze an-tragno’o agne, satria noho ty hery ty fagnahy masigne ty nampivesatse aze. 21 Hiterake lahilahy reke, le anò tihoe Jesosy ty agnara i ajajay, satria ireke ty hagnafake* o vahoa’eo amy ty fahota’e.” 22 Niseho o raha rehoe, amy izay tanterake ty raha nisaontsie i Jehovah tamy ty alala ty mpaminani’e tihoe toy tie: 23 “Hisy ampela virjiny* hivesatse, le hiterake lahilahy. I Imanoela ty hatao iareo agnara’e.” Izao ty dika o agnaragne iohoe: “Manohagne Antika ty Andrianagnahare.”*

24 Naho fa nifoha ty Josefa, le nanoe’e iaby ze raha nampanoe i anjely i Jehovah-y aze. Le nalae’e hovaly ty Maria sady nindese’e an-tragno’e agne. 25 Faie tsy niharo fandreagne* iareo amparake ty niteraha i Maria. Natao i Josefa tihoe Jesosy ty agnara i ajajay naho fa naterake.

Ty Hotrea amy Matio Ato

Matio 1:1

Fagnamarehagne Ambane Peje

Matio 1:18

Sare Naho Video

Fagnamarehagne Ambane Peje

Matio 1:21

Fagnamarehagne Ambane Peje

Matio 1:23

Fagnamarehagne Ambane Peje

Matio 1:25

Fagnamarehagne Ambane Peje

Talily Soa Nisorate i Matio