Nagnalio i Tempolỳ ty Jesosy

Tamy ty taogne 30, le nandeha ta Jerosalema agne ty Jesosy. Maro ty ndaty niavy tao mba hankalaza Pasake, le nanao fagnatetse biby tamy i tempolỳ ao. Ninday biby ty ila o ndatio naho fa nimbeo, fa ty ila’e, ta Jerosalema tao vaho izay nivily.

Naho fa nizilike tamy i tempolỳ ao ty Jesosy, le nahatrea ndaty namarotse biby tao. Ndra natao iareo fanakalozan-drala ty tragno fivavahagne amy i Jehovah! Akore ty natao i Jesosy naho fa nahatrea izay? Namboatse karavasy hatao’e fajera reke, le rinoa’e boake amy i tempolỳ ao ty agnondry naho ty agnombe navarotse tao. Natonta’e iaby ty lataba i mpanakalo drala tao rey, le niparitake tan-taneo i dralay. Nirehake tamo o mpivarotse voromahilalao ka ty Jesosy tie: ‘Ento miakatse agne io, fa tsy raha tragno famarotagne ty anjomban-dRaeko toy!’

Nahagaga ty ndaty tamy i tempolỳ ao ty raha natao i Jesosy. Nahatsiaro ty faminaniagne miomba i Mesia i mpiana’e rey tie: ‘Hafana fo hoahy ty tragno i Jehovah raho.’

Tamy ty taogne 33, le nagnalio i tempolỳ fagnindroe’e ty Jesosy. Tsy nenga’e hisy ndaty hanao tsinotsinogne i anjomban-dRae’ey.