Faminaniagne 5. Fanimbagne o Taneo
‘Hamonovono ze manimba o taneo [ty Andrianagnahare].’—APOKALYPSY 11:18.
● Mpamory divay vita amy ty Palmie, a Kpor a Nizeria agne ty Atoa Pirri. Faie tsy nandeha sasa i asa’ey satria nisy gazoaly niparitake tamy ty Vinagne i Niger. Hoe reke: “Matemate iaby o fiagneo, maloto i reneranoy, sady simba ty vata’ay. Montso asa raho.”
MAMPISEHO INO TY RAHA MISY? Mirehake ty manam-pahaiagne ila’e fa 6,5 tapetrisa ty fako nariagne an-driake ey isan-taogne. Plastike 50 isan-jato eo ho eo ka ty nitsikafogne tagnate ty an-jato’e taogne vaho izay nimomoke. Tsy vita izay avao fa tsy isia o ndatio ndra raike o harena voajagnahareo. Faie aseho ty fandinehagne natao fa eo amy ty tao’e raike naho dime volagne eo o taneo vaho izay mahavita mamokatse ze ambi’e lanie o ndatio tagnate ty tao’e raike. Hoe ty gazete aostraliana Mpanambara ny Marainan’i Sydney (anglisy): “Naho mitombo o ndatio, sady hitohy avao o fandaniagne zao, le harena voajagnahare vokare o Taneo roe vaho izay ho ampe antikagne amy ty taogne 2035.”
INO TY HEVE O NDATIO? Tea karokaroke o ndatio. Afake mahatrea vahaolagne tikagne sady afake magnavotse o taneo.
MAREGNE VAO ZAY? Ndaty naho fikambanagne maro ty miasa mafe mba hampisehoagne fa tena simba o tontolo iaignagneo. Faie mihasimba avao o taneo.
AKORE TY HEVE’O? Mipay ty fagnampean’Andrianagnahare vao tikagne mba hiarovagne o taneo tsy ho simba, arake ty fa nampitamae’e?
Misy raha soa ka rehafe ty Baiboly fa tanterake amy ty andro fara’e, ankoatse i faminaniagne dime nidinehentikagne teo rey. Hohenteantikagne ty raike amy izay.
[Hevetse Lahibey]
“Sahala hoe avy tamy i tane paradisay ao raho ro nalefa tamy ty fagnariam-pako mamono.”—REHA I ERIN TAMBER, MPONEGNE AMORON-DRIAKE A ETAZONIA AGNE, MIOMBA TY VOKATSE TY GAZOALY MIPARITAKE TAMY TY RANO BEY I MEKSIKA TAMY 2010.
[Efajoro]
Andrianagnahare vao ty Tompon’andraikitse?
Fa nirehafe ty Baiboly o raha raty miseho amy izaò. Midika vao zay fa Andrianagnahare ty tompon’andraikitse amy i raha rey? I reke vao ty mahavy antikagne mijale? Misy vale’e mahafa-po miomba izay ty toko 11 amy ty boke tihoe Inogne Vata’e ty Raha Ampianare ty Baiboly?, naboa ty Vavolombelo i Jehovah.
[Soratse Magnazava i Sarey]
U.S. Coast Guard photo