Hasoao ty Fanompoa’o: Mahaia Mametrake Fagnonteneagne

NAGNINO ZAY RO PALIAEGNE? ‘Hoe rano laleke ty hevetse agnate fo o ndatio ao.’ (Oh 20:5) Hoe fanovizan-drano mba hahazoagne aze ty fagnonteneagne apetrantikagne. Mahavy ze ndaty mitsanogne antikagne hirehake ty fanoagne izay. Hahazo vale’e mahafa-po tikagne naho mahay mametrake fagnonteneagne. Nahay nametrake fagnonteneagne ty Jesosy. Akore ty hanahafantikagne aze?

AKORE TY HANOAGNE IZAY?

• Magnontenea mba hahafantaragne ty heve’e: Nametrake fagnonteagne maromaro tamy i mpiana’e rey ty Jesosy mba hahafantara’e ty heve iareo. (Mt 16:13-16; be 238 § 3-5) Ino ty fagnonteneagne azo’o apetrake mba hahafantara’o ty heve i ndatỳ?

• Magnontenea mba hahavy aze hahay hagnatsoake hevetse. Te hagnitsy i Petera ty Jesosy, le nametrake fagnonteneagne maromaro reke sady nagnomey vale’e azo ifilianagne mba hahavy aze hahay hagnatsoake hevetse. (Mt 17:24-26) Ino ty fagnonteneagne voafaritse soa toko’e hapetra’o mba hahavy i ndatỳ hahay hagnatsoake hevetse?

• Derao ze ndatỳ mitsanogne azo. Niderae i Jesosy i mpanoratse lalàna raikey naho fa namale aze “tamim-pahendreagne.” (Mr 12:34) Akore ty ahafaha’o midera i ndatỳ naho fa mamale soa i fagnontenea’oy reke?

HENTEO TY FIZARÀGNE VOALOHA’E AMY TY VIDEO TIHOE ANÒ ZE ASA NANOE I JESOSY: MAMPIANARA, LE VALEO RETOA:

• Nagnino ro tsy nimete o fampianaragne iohoe, ndra tie maregne soa aza ty fagnazava i rahalahỳ?

• Nagnino tikagne ro tsy toko’e hagnazava hevetse avao?

HENTEO TY FIZARÀGNE FAHAROE AMY I VIDEOY, LE VALEO RETOA:

• Akore ty nampisehoa i rahalahỳ fa nahay nametrake fagnonteneagne reke?

• Akore ka ty azontikagne anahafagne aze?