Akore ty Hagnasoa’o ty Fianaragne Raike Atao’o?

NAGNINO ZAY RO TENA ILAEGNE? Risihegne tika mba ‘hahatakatse ty apohe’e, ty halava’e, ty haabo’e naho ty halale’ i hamarenagney. Hagnampe antika amy izay ty fianaragne raike. (Ef 3:18) Hagnampe antika tsy hanan-tsiny izay, ndra tie manao raty ty ndaty magnodidigne antika. ‘Hitagne mafe ty saontsy i fiaignagney’ tika naho mianatse raike. (Fi 2:15, 16) Afake mifily ze raha teantikagne ianaragne tika, arakarake ze raha ilaentikagne. Ino ty azontikagne atao mba hisy voka’e soa amantikagne ty raha vakientikagne naho ianarantikagne agnate ty Baiboly ao?

AKORE TY HANOAGNE AZE?

• Mila managne Baiboly atokagne ho ahy ty fianaragne raike rehe. Va’e ho vita pirinty zay ndra amy ty pozi’e elektronike. Azo’o lokoegne ndra tsipihegne i andinin-tenỳ. Sorato amy i Baibolỳ ao ka ty fagnamareha’o

• Eretsereto ty fagnonteneagne toa naho fa mamaky Baiboly rehe: ‘Ia? Ino? Nagnino? Taia? Amy ty akore? Ombia?’

• Manoa fikarohagne arakarake i foto-kevetsey ndra i andinin-tenỳ. Ampiasao ty fitaovagne fikarohagne misy amy ty fireha’o

• Saintsaigno ty raha nivakie’o naho ty fomba azo’o ampiharagne aze

• Le avy le ampiharo amy ty fiaigna’o ze raha nianara’o. —Lk 6:47, 48

ALEFASO TY VIDEO ‘TANO MAFE TY SAONTSY I FIAIGNAGNEY’, LE MANOA FIANARAGNE RAIKE. AFARA IZAY, VALEO RETOA:

• Nagnino ro ilaegne ty mianatse raike?

• Nagnino tika ro toko’e hivavake isake ty hianatse raike?

• Ino ty hagnampe antika hahazo soa ty andinin-teny vakientika?

• Ino ty mahasoa ty mampiasa loko sambe hafa naho fa mianatse?

• Nagnino ro ilaegne tihoe misaintsaigne naho fa mianatse ty Saontsin’Andrianagnahare?

• Toko’e hatao akore ty raha nianarantikagne?