Ino ty Azo ty Mpivaly Atao mba Hahavy Iareo Tena Hifankatea?

Ohatse soa hoahy ty mpivaly ty Abrahama naho i Saraha satria nifagnaja sady nifankatea. (Ge 12:11-13; 1Pe 3:6) Faie nisy fotoagne iareo niatreke olagne fa tsy tihoe nilamigne avao ty tokatragno iareo. Ino ty azo ty mpivaly ianaragne boake amy iareo?

Mikezaha hifampirehake soa. Va’e hisy fotoagne ty vali’o hirehake raha mampanahelo azo. Ko mora boseke rehe naho fa miseho zay fa valeo mora avao reke. (Ge 16:5, 6) Manokàgna fotoagne hiarahagne. Asehò amy ty raha rehafe’o naho amy ty raha atao’o fa tea’o ty vali’o. Faie ambone izay iaby, mikezaha hifandrambe soa amy i Jehovah lognandro. Manao izay nareo naho miarake mianatse Baiboly, mivavake naho manompo. (Mpto 4:12) I Jehovah ty namorogne o fanambaliagneo sady masigne io tie ama’e. Hagnomey voninahitse i Jehovah ty mpivaly naho mifankatea lognandro.

HENTEO TY VIDEO TIHOE ANÒ TY HAMPAHARETSE TY FANAMBALIA’AREO, LE VALEO RETOA:

• Ino ty mampiseho fa tsy le nifandrambe soa sasa ty Shaan naho i Kiara?

• Nagnino ro tena ilae ty mpivaly ty mifampirehake soa?

• Nagnino ro nagnampe i Shaan naho i Kiara ty ohatse i Abrahama naho i Saraha?

• Ino ty natao i Shaan naho i Kiara mba hifandrambe soa indraike iareo?

• Nagnino ty mpivaly ro tsy toko’e hitamà tie tena tsy hisy olagne ty tokatragno iareo?