Mandrambe Soa Boake amy ty Fandinehagne ty Soratse Masigne Isan’andro vao Rehe?

Agnisa ty fahazara’o vao ty mamaky ty andinin-teny naho ty fagnazavagne amy ty Fandinehagne ty Soratse Masigne Isan’andro? Azo’o atao ty mikezake naho mbe tsy zatse manao izay rehe. Isake maraindraigne ty anoa ty ankamaroa ty mpanompo i Jehovah io. Amy izay iareo afake misaintsaigne i hevetse taoy amy i andro andinehagne azey. (Js 1:8; Sl 119:97) Ino ty toko’e hatao’o mba handrambe soa amy i andinin-tenỳ rehe? Henteo ty andinin-teny magnodidigne hoahy i andro andinehagne azey, mba ho fanta’o tie ino ty raha nisy tamy izay. Mieretsereta tantara amy Baiboly ao magnasongadigne i toro lalagne rehafe’ey. Ampiharo amy ty fiaigna’o i toro lalagney naho fa avy eo. Naho mampihatse ty Saontsin’Andrianagnahare rehe naho fa hanapa-kevetse, le tena hitari-dalagne azo io. Amy izay ka rehe handrambe soa.—Sl 119:105.

Miarake mandineke ty andinin-teny hoahy i androy ty keleia i Betela magneran-tane isake maraindraigne. Maro amy i fagnazavagne rey ty naboake amy Tele JW ao, amy tihoe FANDAHARAGNE NAHO RAHA NISEHO. Ombia rehe ro nagnente fara’e i raha rey? Eretsereto zao ohatse tie, nagnino ty tantara i Lota ro magnampe azo handrambe fanapahan-kevetse soa?

HENTEO TY VIDEO TIHOE KO TEA TY TONTOLO TOY (1JN 2:15), LE VALEO RETOA:

• Inogne ty toro lalagne tena nirehafegne tamy i Fotoam- pivavahagne Maraindraigney?

• Nagnino ty tantara i Lota ro mampiseho fa magnoho-doza tihoe tea ty tontolo toy naho ty raha ama’e eo?—Ge 13:12; 14:12; 19:3, 12, 13, 24-26

• Akore ty ampisehoantikagne fa i Jehovah ty tena teantikagne fa tsy ty tontolo toy ndra ty raha ama’e eo?