Midera i Jehovah Rehe Naho fa Manao Mpisava Lalagne

Nidera i Jehovah o Israelitao satria maro ty raha natao’e hoahy iareo. Nagnavotse iareo boake a Ejipta agne reke, sady namonje iareo tamy i tafy i Farao rey. (Ek 15:1, 2) Mbe manao soa hoahy ty vahoa’e avao ty Jehovah hatrake amy izao. Akore ty ampisehoa’o fa hankasitra’o zay?—Sl 116:12.

Afake manao mpisava lalagne mpagnampe ndra maharetse rehe. Mivavaha amy i Jehovah mba hagniry hanao izay naho hanagne hery hanoagne aze. (Fi 2:13) Maro ty mpitory magnandragne manao mpisava lalagne mpagnampe hey. Afake mifily 30 ndra 50 lera rehe naho fa amy ty volagne Marsa ndra Avrily ndra naho fa amy ty volagne itiliha ty mpiandraikitse faritse. Hanjare hagniry hanao mpisava lalagne maharetse rehe naho fa mahatsapa ho fale naho fa nanao mpisava lalagne mpagnampe. Nisy zao ty miasa isan’andro ndra tsy le salama faie, mbe afake nanao mpisava lalagne maharetse. (mwb16.07 8) Ndra inogn’ino kezake ataontikagne mba hideragne i Jehovah, le tena fagneva ty hanoagne izay reke! —1Ta 16:25.

ALEFASO TY VIDEO TIHOE RAHAVAVE TELO A MONGOLIA AGNE, LE VALEO RETOA:

• 

  Inogne iaby ty raha sarotse niresè iareo telo mirahavave mba hahafaha iareo manao mpisava lalagne?

• 

  Inogne iaby ty fitahiagne azo iareo?

• 

  Inogne ty karazam-panompoagne azo iareo natao noho iareo nanao mpisava lalagne maharetse?

• 

  Tena modely soa iareo. Ino ty voka izay tamy ty hafa?