Hasoao Ty Fanompoa’o: Mahaia Mitory amo o Kamerà Ndra amo o Telefony Ambavahady Eò

NAGNINO ZAY RO TENA ILAEGNE? Mandroso be zao ty teknolojia sady mitombo avao ty ndaty raty. Mihamaro areke ty ndaty mampiasa kamerà ndra telefony andalan-tragno’e eo. Ino ty va’e ho voka izay amantika? Va’e ho sarotse amantika ty hitory i talily soay amy ty ndaty tsy treantikagne faie mahatrea antika. Hagnampe antika tsy hatahotse areke ty soso-kevetse ambane eto retoa.

TY FOMBA FANOAGNE AZE:

• Ko le avy le mieretseretse tie tsy handrambe azo i ndatỳ. Maro amy i ndaty rey ty vognogne hirehake amantika

• Ko haligno fa misy kamerà ila’e, fa alae’e video rehe ndra tie mbe tsy migineke sonnerie. Va’e hitsanogne azo i ndaty itoria’oy naho fa miharine i lalan-tragno’ey rehe

• Naho fa mamale i ndatỳ, le ampitovizo amy ty rehe mirehake ama’e mivantagne. Ko amboaboaregne ty fihetse’o, le mikezaha mba ho falefale avao naho fa mifampirehake ama’e. Ze raha eretserete’o ho rehafegne amy ty ndaty trea’o mivantagne ro rehafo ama’e. Naho misy kamerà ty andalan-tragno’e eo, le ko atao miharine bey i kamerà ay eo ty tarehe’o. Tsy mete ty magnenga hafatse naho tsy mamale i ndatỳ

• Ko haligno fa va’e mbe hagnente ndra hitsanogne azo i ndatỳ, ndra tie fa vita ty reha’areo