Arovo ty Tokatragno’o

Tena lahibey amy i Jehovah o fanambaliagneo, le toko’e hihevetse aze ho lahibey ka ty mpivaly. (Mt 19:5, 6) Maro ty mpivaly sambatse amy fandaminagne ao. Faie tsy misy fanambaliagne voririke. Tsy maintsy misy avao ty olagne. Faie tsy toko’e hanahake ty tontolo toy tikagne, le handeha lefa ndra hisarake naho fa misy olagne. Ino areke ty azo ty mpivaly Kristiana atao mba hiarovagne ty tokatragno’e?

Intoagne misy raha dime toko’e hatao’o:

1. Arovo ty fo’o, le ko mitsibore ndaty tsy vali’o ndra manao fihisagne misy findesam-batagne maloto fa hanimba ty fifandrambesa’areo zay.—Mt 5:28; 2Pe 2:14.

2. Hasoao ty fifandrambesa’o aman’Andrianagnahare, sady ampitombò ty fagniria’o te hampifale aze.—Sl 97:10.

3. Mikezaha hanagne toetse vaovao, sady manoa fihetseke kede manoro tie tea’o ty vali’o. Ho fale reke naho fa izay ty atao’o.—Kl 3:8-10, 12-14.

4. Mikezaha hifampirehake soa lognandro naho hifagnaja.—Kl 4:6.

5. Mikezaha haneho hatea naho fa manao firaisagne amy i vali’o.—1Ko 7:3, 4; 10:24.

Naho fa magnaja ty fanambaliagne ty Kristiana, le magnomey voninahitse i Jehovah, i Mpamorogne ty fanambaliagney.

ALEFASO TY VIDEO TIHOE TSY MAINTSY ‘MIARETSE AMY I LAY ANOENTIKAGNEY TIKA’: ORIHO ZE FITSIPIKE AMY I KORSA LAỲ, LE VALEO RETOA:

• 

  Ndra tie milamigne soa aza ty tokatragno’o amy ty voaloha’e, ino ty olagne va’e hiseho?

• 

  Va’e hahatsapa ty mpivaly tie tsy mifankatea sasa iareo. Nagnino ro hagnampe iareo ty toro lala ty Baiboly?

• 

  Ino ty fitsipike napetra i Jehovah hoahy ty mpivaly?

• Ino ty tsy maintsy atao ty mpivaly naho te ho sambatse iareo?