Mamantatse ty Fomba Amalea i Jehovah ty Vavake Atao’o vao Rehe?

Maro ty vavake nivalea i Jehovah tantaraegne agnate Baiboly ao. Mihamatanjake ty finoa o mpanompo i Jehovah-o naho fa trea’e tie nijanjigne ty vavake nanoe’e ty Jehovah sady nagnampe aze. Mila ataontika voafaritse soa ty vavake ataontika sady fantarentika ty fomba amalea i Jehovah aze. Tadidio fa tsy voatere hifagnarake amy ty nieretserentantika aze ty vale i vavakey. (2Ko 12:7-9; Ef 3:20) Akore ty va’e hamalea i Jehovah ty vavake ataontika?

• Omei’e hery, fagnampeagne ara-pihetseham-po naho ara-pagnahy tika mba hiatrehagne i olagney.​—Fi 4:13

• Omei’e fahendreagne mba hahaiantika hanapa-kevetse.​—Jk 1:5

• Omei’e fagniriagne naho hery tika hanoagne raha. ​—Fi 2:13

• Ampea’e mba tsy ho taitaitse ndra tie misy raha mampinekoneko.​—Fi 4:6, 7

• Fagnampeagne naho fanohagnagne ara-pihetseham-po boake amy ty hafa. ​—1Jn 3:17, 18

• Ampea’e ze ndaty nirehafentika tamy ty vavake nataontika.​—As 12:5, 11

ALEFASO TY VIDEO TIHOE “MPIJANJIGNE VAVAKE” TY JEHOVAH, LE VALEO RETOA:

• Nagnino ty tantara i rahalahy Shimizu ro mampahery antika naho ohatse voafetra avao ty raha vitantika noho tika marare?

• Akore ty azontika anahafagne ty ohatse nimey i rahalahy Shimizu?