Hoe mandoa trosa amy banke agne rehe naho fa mankatò i Baba naho i Nene. Vao mainke hatoky azo iareo naho fa orihe’o ty saontsy iareo
HOAHY TY TANORA
10 Atorò fa azo Atokisagne Rehe
INO TY DIKA IZAY?
Azo atokisagne ty ndaty raike naho fa magnara-dalàna, mitagne ty reha’e sady mirehake ty maregne avao. Manjare matoky aze ty rae aman-drene’e naho ty nama’e vaho ty sefo’e.
NAGNINO ZAY RO TENA ILAEGNE?
Azo antoke fa tsy hifehefehe azo sasa ty rae aman-drene’o naho atoro’o fa azo atokisagne rehe.
“Atorò fa matotse rehe sady azo ianteheragne lognandro ndra tie tsy eo aza ty rae aman-drene’o. Amy izay iareo hatoky azo.”—Sandra.
TORO LALA TY BAIBOLY: “Anò soa avao ty findesam-bata’areo.”—1 Petera 2:12.
INO TY AZO’O ATAO?
Naho nahatsapa rehe tie tsy atokisa o ndaty sasa ndra tsy le atokisa o ndatio, le oriho ty dingagne retoa:
Mirehafa ty maregne. Tsy hatoky azo sasa o ndatio naho mavande rehe. Faie hatoky azo iareo naho mirehake ty maregne sady tsy magnetake ty fahadisoa’o rehe.
“Mora ty tsy mirehake ty maregne naho tsy misy voka’e ama’o i rahay. Faie naho mitsotra ty maregne rehe ndra tie ho afa-baraka aza, le vao mainke hatoky azo o ndatio.”—Cleman.
TORO LALA TY BAIBOLY: “Te hanao ty maregne amy ze kila raha zahay.”—Hebreo 13:18.
Atorò fa azo ianteheragne rehe. Trea tamy ty fagnadikadignagne natao ta Etazonia agne fa ndaty azo ianteheragne ro tena paliave ty ankamaroa orinasao. Agnisa o fepetse telo také’e amy ze ndaty mipay asa ao zay. Naho mikezake ho azo ianteheragne rehe manomboke amy izao, le handrambe soa naho fa bey.
“Trea i Baba naho i Nene raho naho le avy le manao raha fa tsy mandigne ho rehafegne. Vao mainke atokisa iareo raho naho fa mikezake manao izay avao.”—Saraha.
TORO LALA TY BAIBOLY: “Matoky raho fa hagneke rehe ... satria fantako fa hanao mihoatse noho ze raha angataheko rehe.”—Filemona 21.
Mahalignisa. Le avy le mora trea o ndaty tie nihalava rehe ndra nihavondrake. Faie elaela vaho trea’e tie nihamatotse rehe ndra fa azo atokisagne.
“Toko’e ho azo ianteheragne lalandava rehe. Va’e ho elaela vaho izay hatoky azo ty rae aman-drene’o naho ty ndaty hafa.”—Brino.
TORO LALA TY BAIBOLY: “Isikino ... ty fahalignisagne.”—Kolosianina 3:12.