Fizaràgne 8

Mahasoa Azo ty Nahafate i Jesosy

Nimate ty Jesosy hivelomantikagne. Jaona 3:16

Ampela magnete i Jesosy ankibory ao faie tsy ao reke

Telo andro tafara ty nahamate i Jesosy le nisy ampela tsy ampe nagnete i kibory nandevegnagne azey. Tsy tao reke fa nifohaze i Jehovah.

Nifankatrea tamy i apostoli’e rey indraike ty Jesosy, mandeha mban-dagnitse mbeo reke

Natao i Jesosy ze hahatreava i mpiana e rey aze.

Nifohaze i Jehovah vata e ty Jesosy le natao e anjely mahery naho tsy mete mate. Nitrea i mpiana e rey ty nandehana i Jesosy andagnitse agne.

Nimate ty Jesosy faie nifohaze i Jehovah le natao e Mpitondra ty Fanjakan’Andrianagnahare. Daniela 7:13, 14

Boake amy i sezandroandria i Fanjakagney eo ty Jesosy ro mitondra ty ndaty Paradisa antane toỳ

Nagnomey ty ai e ty Jesosy hagnavotagne ty ndaty toy iaby. (Matio 20:28) Izay ty hagnomean’Andrianagnahare fiaignagne tsy misy fara e antikagne.

I Jehovah ty nanedre i Jesosy ho Mpanjaka hinday ty tane toy. Hisy ndaty tsy mivalike hiarake mitondra ama e. Ty isa e 144 000, hofohaze e ho andagnitse agne iareo. Hinday ty Fanjakan’Andrianagnahare andagnitse agne iareo naho i Jesosy.—Apokalypsy 14:1-3.

Hagnova ty tane toy ho Paradisa ty Fanjakan’Andrianagnahare. Tsy hisy ty aly, ty malaso, ty mahantra, ty kere. Ho sambatse vata e ty ndaty toy iaby.—Salamo 145:16.