Ty Hiatrehagne ze Raha Sarotse Manjò

Mikezake mafe hahasambatse ty fanambalia’o naho ty keleia’o rehe, faie va’e hisy raha tsy ampoizegne hiseho hanakogne ty hafalea’areo. (Mpitoriteny 9:11) Hagnampe antikagne ty Andrianagnahare naho fa misy hasahiragne fa teà’e tikagne. Hahatante ze raha manahiragne nareo naho magnorike ty fanoroagne agnate Baiboly ao, ndra tie raha manahiragne fara izay ty sarotse.

1 MITAVANDRÀ I JEHOVAH

INOGNE TY RAHA REHAFE TY BAIBOLY? “Ankigno ama’e ze mampinekoneko anareo.” (1 Petera 5:7) Ko haligno fa tsy Andrianagnahare ty mampijale azo. (Jakoba 1:13) Ho mea’e fagnampeagne fara izay ty fanjaka rehe naho miharine aze. (Isaia 41:10) ‘Avoraho ama’e ze am-po’o ao.’—Salamo 62:8.

Hampionogne azo ka ty famakiagne naho ty fianaragne Baiboly sanandro. Ho trea’o fa “mampionogne antikagne amy ze kila haoreagne” ty Jehovah. (2 Korintianina 1:3, 4; Romanina 15:4) Mampitamà reke fa hagnomey azo ty “fieragneragnan’Andrianagnahare ambone ze kila eretseretse.”—Filipianina 4:6, 7, 13.

INOGNE TY TOKO’E HATAO’O?

• Mivavaha hagnampea i Jehovah azo tsy ho taitaitse naho handineke soa

• Fantaro iaby ze raha toko’e hatao, le ze raha fara izay ty soa ro anò

2 KOLOKOLÒ SOA TY VATA’O NAHO TY KELEIA’O

INOGNE TY RAHA REHAFE TY BAIBOLY? “Ty fo ty mahira- tsaigne mikezake hahay raha, le ty sofy ty mahilala te hitsanogne fahaian-draha.” (Ohabolana 18:15) Dineho soa ze raha paliae ty tsikiraikiraike amy ty keleia’o. Miharoa rehake amy iareo sady tsanògno iareo naho fa mirehake.—Ohabolana 20:5.

A naho mate ty raike amy i keleiagney? Ko megnamegnatse manoro ty fanahelo’o. Ko haligno fa ndra i Jesosy le mbe nitagny ka. (Jaona 11:35; Mpitoriteny 3:4) Mahasoa ka ty mba mitofatofa naho ty mikezake mba ho azon-droro. (Mpitoriteny 4:6) Hahafiatreke i raha mampanaheloy rehe naho fa manao izay.

INOGNE TY TOKO’E HATAO’O?

• Kezaho ty ho zatse miharo rehake amy ty keleia’o ndra tie mbe tsy miatreke raha mampanahelo nareo. Izay ty hahavy iareo tsy hatahotahotse hirehake ama’o naho fa misy raha manahiragne

• Mirehafa amy ty ndaty fa nizoen-draha manahake azo

3 MANGATAHA FAGNAMPEAGNE

INOGNE TY RAHA REHAFE TY BAIBOLY? “Tea lognandro ty ragnetse vata’e sady le hoe rahalahy natao hagnampe amy ty andro mahaore.” (Ohabolana 17:17) Va’e hisy ragne’o te hagnampe azo, faie tsy mahafantatse ty raha hatao’e. Ko mahimahigne rehe fa rehafo amy iareo ze raha paliae’o. (Ohabolana 12:25) Mangataha fagnampeagne amy ty ndaty mahay soa ty Soratse Masigne. Hagnampe azo ty tari-dalagne hatoro iareo azo agnate Baiboly ao. —Jakoba 5:14.

Hahazo ze fagnampeagne paliae’o rehe naho mifandoe- tse amy ty ndaty mino an’Andrianagnahare sady matoky ty fampitamà’e. Hahazo fampionognagne ka rehe naho magnampe ze sahiragne. Zarao amy ty hafa ty finoa’o i Jehovah naho ty fampitamà’e. Imaneo ty fagnampeagne ze ndaty sahiragne fa ko mivibìke amy ty ndaty koko azo.—Ohabolana 18:1; 1 Korintianina 15:58.

INOGNE TY TOKO’E HATAO’O?

• Mirehafa amy ty ragne’o maifitse azo sady ampagnampeo azo reke

• Rehafo soa ze raha paliae’o