Rehake Mampizilike ty Fizaràgne 10

Mpanjaka ze kila raha ty Jehovah. Fa nifehe ze kila raha reke taloha sady mbe hifehe aze amy ty hoavy. Navota’e ohatse ty Jeremia naho fa natorake tagnate ty lavake raike sady fa ho nimate tao. Navota’e tsy ho mae tagnate ty laforo mirehetse ao ka ty Sadraka, i Mesaka, naho i Abednego. Navota’e tsy ho hane ty liona ty Daniela. Narova’e ka ty Estera, le afake nagnavotse ty firene’e. Tsy enga’e hisy nainai’e o haratiagneo. Magnomey toky antika ty faminaniagne miomba i hatae abo beỳ naho i sare vongagney, fa marine ty hagnafaha ty Fanjakà i Jehovah ty haratiagne an-tane etoy, le ie ty hitondra.